Aamir Khan Laal Singh Chaddha : బాలీవుడ్ స్టార్ హీరీ ఆమిర్ఖాన్ నటిచించిన మూవీ 'లాల్ సింగ్ చద్దా' . అద్వైత్ చందన్‌ తెరకెక్కించిన ఈ చిత్రం. ఎన్నో అంచనాలతో ప్రేక్షకుల ముందుకు వచ్చంది. అయితే ఈ సినిమా బాక్సీఫీస్‌ వల్ల ఆశించిన స్థాయిలో టాక్ అందుకోలేకపోయింది. దీంతో ఘోర పరాజయాన్ని మూటగట్టుకుంది. అయితే తాజాగా ఈ చిత్రం గురించి ఆమిర్ సతీమణి కిరణ్రావ్ ఓ ఇంటర్వ్యూలో మాట్లాడారు.
" ఎన్ని ప్రయత్నాలు చేసినప్పటికీ అవి ఫలించనప్పుడు మనం కొన్ని సార్లు నిరుత్సాహపడుతుంటాం. లాల్ సింగ్ చద్దా విషయంలో ఇదే జరిగింది. ఈ సినిమా పరాజయం ఆమిర్ ఖాన్ను చాలా బాధించింది. ఆమిర్‌కు మాత్రమే కాదు మొత్తం మూవీటీమ్పై ఆ ఎఫెక్ట్ పడింది. ఇది ఆయన డ్రీమ్‌ ప్రాజెక్ట్‌. దీని కోసం ఆమిర్ చాలా కష్టపడ్డారు. కానీ ఈ చిత్రం ప్రేక్షకుల ఆదరణ పొందలేకపోయింది. ఈ ఓటమిని నేను అంగీకరిస్తున్నాను. ఎందుకంటే వైఫల్యాల నుంచి మనం పాఠాలు నేర్చుకుంటాం. మారుతున్న పరిస్థితులకు అనుగుణంగా కామెడీ, యాక్షన్‌, క్రైమ్‌, రొమాంటిక్‌ చిత్రాలు ఇలా ఏవైనా ఒక ఫార్ములా ప్రకారం చేస్తుంటారు. చిత్రనిర్మాతలు కూడా ఆడియెన్స్కు నచ్చే కథలు చేసేందుకు ప్రయత్నిస్తుంటారు" అని కిరణ్ అన్నారు.
ఇక ఆమిర్ఖాన్ కెరీర్ విషయానికి వస్తే - ఆమిర్ తాజాగా 'సితారే జమీన్‌ పర్‌' అనే చిత్రం షూటింగ్‌లో పాల్గొన్నారు. ప్రస్తుతం దీని షూటింగ్ శరవేగంగా జరుగుతోంది. ఈ నేపథ్యంలో ఏప్రిల్‌ చివరికి దాన్ని పూర్తి చేసే ఆలోచనలో ఉన్నట్లు తెలుస్తోంది. 'తారే జమీన్‌ పర్‌' తరహాలోనే ఈ సినిమా రానుంది. ఆ చిత్రం అందరినీ భావోద్వేగానికి గురిచేసింది. కానీ, ఈ సినిమా అందరినీ నవ్విస్తుందని ఆమిర్ ఇటీవలే ఓ సందర్భంలో చెప్పారు.
మరోవైపు కిరణ్రావ్ డైరెక్ట్ చేసిన 'లాపతా లేడీస్‌' అనే సినిమాను ఆమిర్ఖాన్ తన సొంత బ్యానర్‌పై నిర్మిస్తున్నారు. కామెడీ డ్రామాగా రానున్న ఈ మూవీ టొరంటో ఇంటర్నేషనల్‌ ఫిల్మ్‌ ఫెస్టివల్‌(టీఐఎఫ్ఎఫ్‌)లో స్క్రీనింగ్ జరిగింది. మార్చిలో ఇది రిలీజ్ కానుంది.
- " class="align-text-top noRightClick twitterSection" data="">
