Ravi Teja Harish Shankar: టాలీవుడ్ స్టార్ హీరో రవితేజ- డైరెక్టర్ హరీశ్ శంకర్ కాంబోలో మిస్టర్ బచ్చన్ మూవీ తెరకెక్కుతోంది. ఈ సినిమా షూటింగ్ పనులు శరవేగంగా జరుగుతున్నాయి. ప్రస్తుతం కశ్మీర్లో చిత్రీకరణ జరుగుతోంది. అయితే అప్పుడప్పుడు ట్వీట్లతో అలరించే డైరెక్టర్ హరీశ్ శంకర్ మరోసారి సోషల్ మీడియాలో ట్రెండింగ్గా మారారు. తాజాగా హీరో రవితేజను ఉద్దేశిస్తూ ఫన్నీగా ఓ ట్వీట్ చేశారు. ప్రస్తుతం ఇది సోషల్ మీడియాలో ట్రెండింగ్గా మారింది. అసలేం జరిగిందంటే?
కశ్మీర్ లొకేషన్లో రవితేజ దిగిన ఓ ఫొటోను డైరెక్టర్ ట్విట్టర్లో షేర్ చేశారు. బెంచ్పై స్టైలిష్గా కూర్చున్న రవితేజ ఫొటోను షేర్ చేసి 'ప్రపంచకంలో అందరికీ వయసొస్తోంది.అన్నయ్యకి తప్ప' అని ఆయనను ఉద్దేశిస్తూ పోస్ట్ చేశారు. అయితే దీనిపై రవితేజ తనదైన స్ట్రైల్లో స్పందించారు. 'ఓవర్ చేయకురోయ్. నీ దిష్టే తగిలేలా ఉంది' అని ఫన్నీగా రిప్లై ఇచ్చారు. దీంతో ఈ ట్వీట్ను మాస్ మహారాజ ఫ్యాన్స్ తెగ ట్రెండ్ చేస్తున్నారు. 'ఏం టైమింగ్ అన్నా', 'ఇది ఎనర్జీ అంటే' అని కామెంట్స్ చేస్తున్నారు.
ఇక సినిమా విషయానికొస్తే, ఇటీవల మూవీ నుంచి 'షో రీల్' పేరుతో ఓ వీడియో గ్లింప్స్ రిలీజ్ చేశారు. ఫుల్ మాస్ యాక్షన్తో ఉన్న ఈ గ్లింప్స్ ప్రేక్షకులను విపరీతంగా ఆకట్టుకుంటోంది. ఒక్క డైలాగ్ కూడా లేకుండా ఓన్లీ యక్షన్ సన్నివేశాలతో ఈ గ్లింప్స్ను డిజైన్ చేశారు. ఈ వీడియో గ్లింప్స్తో సినిమాపై అంచనాలు పెరిగిపోయాయి. యూట్యూబ్లో ఇప్పటికే ఈ వీడియో 1 మిలియన్ వ్యూస్ దాటేసింది.
రవితేజ సరసన హీరోయిన్గా భాగ్యశ్రీ బొర్సే నటించనుంది. ఈమె ఈ సినిమాతోనే తెలుగు ప్రేక్షకులకు పరిచయం కానుంది. సీనియర్ నటుడు జగపతి బాబు విలన్ రోల్లో నటిస్తున్నారు. ఇంక మిగిలిన నటీనటుల వివరాలు తెలియాల్సి ఉంది. పీపుల్ మీడియా ఫ్యాక్టరీ బ్యానర్పై వివేక్ కుచిబొట్ల, టీజీ విశ్వప్రసాద్ సంయుక్తంగా నిర్మిస్తున్నారు. మిక్కీ జే మేయర్ సంగీతం అందిస్తుండగా, అయనంక బోస్ సినిమాటోగ్రఫీ బాధ్యతలు చూస్తున్నారు. ఇక ప్రస్తుతం సినిమా షూటింగ్ దశలో ఉంది. మూవీ రిలీజ్పై ఇప్పటికైతే మేకర్స్ ఎలాంటి క్లారిటీ ఇవ్వలేదు.
'మిస్టర్ బచ్చన్' షో రీల్ ఔట్- రవితేజ మాస్ జాతర- ఫ్యాన్స్కు పూనకాలే - Mr Bachan Glimps
'మిస్టర్ బచ్చన్' అప్డేట్- మిలియన్ థాంక్స్ అంటూ డైరెక్టర్ ట్వీట్!
