NIA Jobs 2024 : నేషనల్ ఇన్వెస్టిగేషన్ ఏజెన్సీ (ఎన్ఐఏ) అసిస్టెంట్, స్టెనోగ్రాఫర్, అప్పర్ డివిజన్ క్లర్క్ (యూడీసీ) పోస్టుల భర్తీ కోసం ప్రకటన విడుదల చేసింది. ఆసక్తిగల అభ్యర్థులు గడువులోగా ఆఫ్లైన్లో దరఖాస్తు చేసుకోవాల్సి ఉంటుంది.
ఉద్యోగాల వివరాలు
- అసిస్టెంట్ - 7 పోస్టులు
- స్టెనోగ్రాఫర్ (గ్రేడ్ 1) - 24 పోస్టులు
- అప్పర్ డివిజన్ క్లర్క్ - 9 పోస్టులు
- మొత్తం పోస్టులు - 40
విద్యార్హతలు
NIA Job Education Qualification : అభ్యర్థులు ప్రభుత్వ గుర్తింపు పొందిన విశ్వవిద్యాలయాలు లేదా విద్యా సంస్థల్లో చదివి, డిగ్రీలో ఉత్తీర్ణత సాధించి ఉండాలి. అలాగే కంప్యూటర్ ప్రొఫీషియెన్సీ టెస్ట్లో పాస్ అయ్యుండాలి. పూర్తి వివరాల కోసం అధికారిక నోటిఫికేషన్ను చూడండి.
వయోపరిమితి
NIA Job Age Limit : అభ్యర్థుల వయస్సు గరిష్ఠంగా 56 ఏళ్లు మించి ఉండకూడదు.
జీతభత్యాలు
NIA Job Salary :
- అసిస్టెంట్ ఉద్యోగానికి ఎంపికైన అభ్యర్థులకు నెలకు రూ.35,400 నుంచి రూ.1,12,400 వరకు జీతం ఇస్తారు.
- స్టెనోగ్రాఫర్ (గ్రేడ్ 1) పోస్టులకు ఎంపికైన అభ్యర్థులకు నెలకు రూ.35,400 నుంచి రూ.1,12,400 వరకు సాలరీ ఇస్తారు.
- అప్పర్ డివిజన్ క్లర్క్ (యూడీసీ) పోస్టులకు ఎంపికైన అభ్యర్థులకు నెలకు రూ.25,500 నుంచి రూ.81,100 వరకు జీతం అందిస్తారు.
డిప్యుటేషన్ పీరియడ్
అసిస్టెంట్, స్టెనోగ్రాఫర్, అప్పర్ డివిజన్ క్లర్క్ పోస్టులకు ఎంపికైన అభ్యర్థులు 3 ఏళ్లపాటు డిప్టుటేషన్ బేసిస్పై పనిచేయాల్సి ఉంటుంది.
దరఖాస్తు విధానం
NIA Job Application Process :
- అభ్యర్థులు NIA వెబ్సైట్లోకి వెళ్లి అప్లికేషన్ ఫారమ్ను డౌన్లోడ్ చేసుకోవాలి.
- దరఖాస్తు ఫారమ్లో మీ వ్యక్తిగత వివరాలు, విద్యార్హత వివరాలు నమోదు చేయాలి.
- అవసరమైన అన్ని పత్రాలను కూడా ఈ దరఖాస్తుకు జత చేయాలి.
- వీటన్నింటినీ ఒక కవర్లో ఉంచి, ఎన్ఐఏ కేంద్రానికి పోస్ట్ చేయాలి.
పంపించాల్సిన చిరునామా : ఎస్పీ (అడ్మిన్), ఎన్ఐఏ హెడ్క్వార్టర్స్, సీజీఓ కాంప్లెక్స్, లోఢీ రోడ్, న్యూ దిల్లీ-1100003.
నోట్ : అభ్యర్థులు ఈ విధంగా గడువులోగా ఆఫ్లైన్లోనే అప్లికేషన్ పంపాలి. మరేవిధంగా దరఖాస్తును పంపినా, దానిని తిరస్కరిస్తారు.
ముఖ్యమైన తేదీలు
NIA Job Apply Last Date :
- దరఖాస్తు స్వీకరణ ప్రారంభ తేదీ : 2024 ఫిబ్రవరి 3
- దరఖాస్తుకు ఆఖరు తేదీ : 2024 ఏప్రిల్ 3 వరకు (వాస్తవానికి దరఖాస్తు స్వీకరణ ప్రారంభ తేదీ నుంచి 2 నెలలలోపు అప్లికేషన్ పంపించాలి.)
నిరుద్యోగులకు గుడ్ న్యూస్ - రైల్వేలో 9000 టెక్నీషియన్ పోస్టుల భర్తీ!
ఇంటర్ అర్హతతో ఇండియన్ కోస్ట్ గార్డ్లో 260 ఉద్యోగాలు - అప్లై చేసుకోండిలా!
