IOCL సదరన్​ డివిజన్​లో 400 అప్రెంటీస్ పోస్టులు - దరఖాస్తు చేసుకోండిలా! - IOCL Apprentice Recruitment 2024

IOCL Apprentice Recruitment 2024 : డిగ్రీ, ఐటీఐ, డిప్లొమాలు చేసి ప్రభుత్వ ఉద్యోగాల కోసం ప్రిపేర్ అవుతున్న అభ్యర్థులకు గుడ్​ న్యూస్. ఇండియన్ ఆయిల్​ కార్పొరేషన్ లిమిటెడ్​ (IOCL), సదరన్ డివిజన్​ పరిధిలోని ఆరు రీజియన్​ల్లో 400 అప్రెంటీస్ పోస్టుల భర్తీ కోసం నోటిఫికేషన్ విడుదల అయ్యింది. పూర్తి వివరాలు మీ కోసం.

IOCL Apprentice Recruitment 2024 : నిరుద్యోగ యువతకు శుభ వార్త. చెన్నైలోని అతిపెద్ద భారత ప్రభుత్వ రంగ సంస్థ ఇండియన్ ఆయిల్ కార్పొరేషన్ లిమిటెడ్ (ఐవోసీఎల్) 400​ అప్రెంటీస్ పోస్టుల భర్తీ కోసం నోటిఫికేషన్ విడుదల చేసింది. అర్హత, ఆసక్తి ఉన్న అభ్యర్థులు ఆగస్టు 19వ తేదీలోగా దరఖాస్తు చేసుకోవాల్సి ఉంటుంది.

ఇండియన్ ఆయిల్ కార్పొరేషన్​ లిమిటెడ్​ సదరన్ డివిజన్​ పరిధిలో మొత్తం ఆరు రీజియన్లు ఉన్నాయి. అవి: తమిళనాడు, పుదుచ్ఛేరి, కర్ణాటక, కేరళ, ఆంధ్రప్రదేశ్, తెలంగాణ.

ఖాళీల వివరాలు:

1. ట్రేడ్ అప్రెంటీస్ : 95 ఖాళీలు

2. టెక్నీషియన్ అప్రెంటీస్ : 105 ఖాళీలు

3. గ్రాడ్యుయేట్ అప్రెంటీస్/ అకౌంట్స్ ఎగ్జిక్యూటివ్ : 200 ఖాళీలు

మొత్తం ఖాళీలు: 400 (యూఆర్‌- 192, ఓబీసీ- 103, ఈడబ్ల్యూఎస్‌- 37, ఎస్సీ- 56, ఎస్టీ- 12).

విభాగాలు: ఫిట్టర్, ఎలక్ట్రీషియన్, ఎలక్ట్రానిక్ మెకానిక్, ఇన్‌స్ట్రుమెంట్ మెకానిక్, మెషినిస్ట్, సివిల్, ఎలక్ట్రానిక్స్, ఎలక్ట్రికల్ అండ్‌ ఎలక్ట్రానిక్స్ తదితరాలు.

విద్యార్హతలు
IOCL Jobs Eligibility : సంబంధిత విభాగంలో ఐటీఐ, డిప్లొమా, డిగ్రీ, బీబీఏ, బీఏ, బీకాం, బీఎస్సీ ఉత్తీర్ణులై ఉండాలి.

వయోపరిమితి
IOCL Apprentice Age Limit : 2024 జులై 31 నాటికి 18 నుంచి 24 సంవత్సరాల మధ్య ఉండాలి.

దరఖాస్తు రుసుము
IOCL Application Fee : ఎటువంటి రుసుము చెల్లించాల్సిన అవసరం లేదు.

ఎంపిక ప్రక్రియ
IOCL Apprentice Selection Process : రాత పరీక్ష, వైద్య పరీక్ష, సర్టిఫికెట్ వెరిఫికేషన్ ఆధారంగా అభ్యర్థులను ఎంపిక చేస్తారు.

దరఖాస్తు విధానం
IOCL Job Application Process :

• ముందుగా మీరు ఐవోసీఎల్​ అధికారిక వెబ్​సైట్​ https://iocl.com/ ఓపెన్ చేయాలి.
• అభ్యర్థులు ముందుగా సంబంధిత విభాగాల్లో కింద ఇచ్చిన వెబ్​సైట్​లో రిజిస్ట్రర్ చేసుకోవాలి.
• ట్రేడ్ అప్రెంటిస్ అయితే http://apprenticeshipindia.org/candidate-registratio లో
• టెక్నీషియన్ అప్రెంటిస్ https://nats.education.gov.in/student_register.php లో
• గ్రాడ్యుయేట్ అప్రెంటిస్/ అకౌంట్స్ ఎగ్జిక్యూటివ్ https://myaadhaar.uidai.gov.in/login లో రిజిస్ట్రర్ చేసుకోవాలి.
• మీ మొబైల్​ నంబర్​, ఈ-మెయిల్​ ఐడీలను నమోదు చేసి, రిజిస్టర్ చేసుకోవాలి.
• వెంటనే మీ మెయిల్​కు ఒక రిజిస్ట్రేషన్ ఐడీ, పాస్​వర్డ్ వస్తుంది.
• వాటితో మళ్లీ వెబ్​సైట్​లోకి లాగిన్ కావాలి.
• అప్లికేషన్ ఫారమ్​లో మీ వ్యక్తిగత, విద్యార్హతల వివరాలు నమోదు చేయాలి.
• అవసరమైన అన్ని పత్రాలు అప్లోడ్ చేయాలి.
• అప్లికేషన్ ఫీజు కూడా ఆన్​లైన్​లోనే చెల్లించాలి.
• అన్ని వివరాలు మరోసారి చెక్​ చేసుకుని, అప్లికేషన్ సబ్మిట్ చేయాలి.
• భవిష్యత్ రిఫరెన్స్ కోసం అప్లికేషన్ ప్రింట్అవుట్ తీసుకోవాలి

ముఖ్య తేదీలు

• ఆన్‌లైన్ దరఖాస్తులు ప్రారంభం: 2024 ఆగస్టు 2
• ఆన్‌లైన్ దరఖాస్తుకు చివరి తేదీ: 2024 ఆగస్టు 19