What Is Dividend : షేర్ మార్కెట్లో పెట్టుబ‌డి పెట్ట‌డం ద్వారా త‌క్కువ స‌మ‌యంలో ఎక్కువ డబ్బులు సంపాదించ‌వ‌చ్చ‌ని చాలా న‌మ్ముతారు. షేర్లు అమ్మ‌డం, కొన‌టం ద్వారా లాభాలు పొంద‌వ‌చ్చ‌ని భావిస్తారు. టాప్ కంపెనీల, లాభాల్లో న‌డుస్తున్న సంస్థ‌ల షేర్లు కొని, అవి కాస్త లాభాల్లోకి వచ్చిన త‌ర్వాత అమ్మేస్తుంటారు. అయితే డివిడెండ్ల ద్వారా కూడా షేర్ మార్కెట్లో డబ్బులు సంపాదించవచ్చు. అది ఎలాగో ఈ ఆర్టికల్లో తెలుసుకుందాం.
షేర్ మార్కెట్ గురించి తెలిసిన‌వారికి, అందులో పెట్టుబడులు పెట్టేవారికి 'డివిడెంట్' గురించి ప్రత్యేకంగా చెప్పాల్సిన పనిలేదు. సాధారణంగా మ‌దుప‌రులు మార్కెట్లో షేర్లు అమ్మ‌డం, కొన‌టం ద్వారా లాభాలు సంపాదించాలని చూస్తారు. కానీ డివిడెండ్ల రూపంలోనూ రాబడి పొందవచ్చు. అంతేకాదు షేర్ హోల్డ‌ర్లు తమకు వచ్చిన డివిడెండ్ను రీ-ఇన్వెస్ట్ చేసి అదనపు ఆదాయాన్ని సంపాదించేందుకు కూడా అవకాశముంది.
ఇంతకీ డివిడెండ్ అంటే ఏమిటి?
కంపెనీలు తమకు వచ్చిన లాభాల్లో కొంత భాగాన్ని షేర్ హోల్డర్లకు పంచుతాయి. వీటినే డివిడెండ్లు అని అంటారు. అయితే ఇది ఆ స్టాక్ వాల్యూ, షేర్ల సంఖ్య‌ను బ‌ట్టి మారుతూ ఉంటుంది. సాధారణంగా ఈ డివిడెండ్ల పంపిణీ కోసం ఒక విధానం అంటూ ఏమీ ఉండదు. నెల, 3 నెలలు, 6 నెలలు లేదా వార్షిక ప్రాతిపదికన డివిడెండ్లను చెల్లిస్తూ ఉంటాయి. డివిడెండ్ పేమెంట్ విషయంలో అనౌన్స్మెంట్ డేట్, ఎక్స్-డివిడెండ్ డేట్, రికార్డు డేట్, పేమెంట్ డేట్లు ఉంటాయి. దీని వల్ల మ‌దుపరుల‌కు మంచి రాబడి వస్తుంది. పైగా సదరు స్టాక్ రిల‌య‌బిలిటీని, పొటెన్షియ‌ల్ని అంచ‌నా వేయ‌డానికి కూడా వీలవుతుంది.
ఇదే కాకుండా, డివిడెంట్ ద్వారా అదనపు డ‌బ్బు కూడా సంపాదించవచ్చు. అది ఎలా అంటే, కంపెనీలు ఇచ్చిన డివిడెండ్ను, రీ-ఇన్వెస్ట్ చేస్తే, భవిష్యత్లో మీకు మరింత ఆదాయం వచ్చే అవకాశం ఉంటుంది. ఒక ర‌కంగా చెప్పాలంటే, డివిడెంట్ అనేది ఒక రివార్డు. కంపెనీలు ఈ డివిడెండ్లను నగదు రూపంలోకానీ, స్టాక్స్ రూపంలో కానీ ఇస్తుంటాయి. అయితే కంపెనీ డివిడెండ్ను ప్రకటించాలంటే, ముందుగా దాని బోర్డు డైరెక్ట‌ర్లు, షేర్ హోల్డర్ల అనుమతి తీసుకోవాల్సి ఉంటుంది.
డివిడెండ్ స్టాక్స్లో ఎలా ఇన్వెస్ట్ చేయాలి?
మంచిగా డివిడెండ్ ఇస్తే స్టాక్స్లో ఇన్వెస్ట్ చేయాలంటే, దానికి పలు మార్గాలు ఉన్నాయి. ఇందుకోసం సాధారణ స్టాక్స్ కొన్న విధంగానే, మంచిగా డివిడెండ్ ఇచ్చే స్టాక్స్లో పెట్టుబడులు పెట్టవచ్చు. లేదా బాగా డివిడెండ్ ఇచ్చే మ్యూచువల్ ఫండ్స్, ఎక్స్ఛేంజ్-ట్రేడెడ్ ఫండ్స్ (ETFs)లో ఇన్వెస్ట్ చేయవచ్చు. ఇందుకోసం మీ వద్ద డీమ్యాట్ అకౌంట్ ఉండాలి. లేకుంటే డీమ్యాట్ అకౌంట్ను ఓపెన్ చేసుకోవాలి. మ్యూచువల్ ఫండ్స్ను బాగా అనుభవం ఉన్న ప్రొఫెషనల్ ఫండ్ మేనేజర్స్ నిర్వహిస్తారు. కనుక మీకు మంచి రాబడి వచ్చే అవకాశం ఉంది.
డివిడెండ్ను లెక్కించడం ఎలా?
ఉదాహరణకు ఒక కంపెనీ లేదా సంస్థ తమ షేర్ హోల్డర్లకు 100% డివిడెండ్ ప్రకటించిందని అనుకుందాం. ఆ కంపెనీ ఒక్కో షేరు ముఖ విలువ రూ.10 అనుకుందాం. అప్పుడు షేర్ ఫేస్ వాల్యూ రూ.10కు 100% సమానంగా నగదు లభిస్తుంది. అంటే, ఒక వాటాదారు వద్ద 25 షేర్లు ఉన్నాయని అనుకుంటే, అతనికి రూ.2,500 డివిడెండ్ లభిస్తుంది. (25 x 10 x 10 = రూ.2,500)
స్మాల్/ మిడ్ క్యాప్ స్టాక్స్లో ఇన్వెస్ట్ చేస్తున్నారా? జర జాగ్రత్త - ఎందుకంటే?
PPF, SSY ఖాతాదారులకు అలర్ట్ - కనీస మొత్తం జమ చేయడానికి డైడ్లైన్ ఇదే!
