Travelling Tips to Save Money : ప్రయాణాలు చేయడం అంటే చాలా మందికి ఇష్టం. నచ్చిన ప్రదేశాలు తిరగాలని.. ఎంజాయ్ చేయాలని ప్రతి ఒక్కరూ అనుకుంటారు. కానీ.. అందుకు అవసరమైన డబ్బే ప్రధాన సమస్యగా మారుతుంది. చివరకు డబ్బు దాచుకొని మరీ.. ట్రావెల్కు వెళ్తే అనుకున్నదానికన్నా చాలా ఎక్కువ మొత్తంలో డబ్బు ఖర్చైపోతుంది. అంతో ఇంతో అప్పులు కూడా చేయాల్సి వస్తుంది. ఈ పరిస్థితి రాకుండా ఉండాలే.. కొన్ని టిప్స్ పాటించాలంటున్నారు నిపుణులు. మరి అవేంటో ఈ స్టోరీలో చూద్దాం..
బడ్జెట్: ట్రిప్ ప్లాన్ చేసేముందు ఆ ట్రిప్ కోసం ఎంత ఖర్చు చేయాలనుకుంటున్నారో ముందే ప్లాన్ చేసుకోవాలి. ఈ ట్రిప్ కోసం ఇంత బడ్జెట్ అని ముందుగానే ఫిక్స్ చేసుకుని.. దాని ప్రకారమే ఖర్చు చేసుకోవాలి. అంతేకాదు.. కేటాయించిన మొత్తం బడ్జెట్లో 75 శాతం మనీతోనే ట్రిప్ కంప్లీట్ అయ్యేలా ప్లాన్ చేసుకోవాలి. మిగిలిన డబ్బును 25 శాతాన్ని అనుకోని ఖర్చులను వాడుకునేలా చూసుకోవాలి.
మీకు సంతోషం కావాలా? - అక్కడ దొరుకుతుంది - వెళ్లి తెచ్చుకోవడమే!
ముందుగానే: ట్రిప్కు వెళ్లాలని ఫిక్స్ అవ్వగానే.. చాలా మంది ఎలా వెళ్లాలని ఆలోచిస్తారు. కొద్దిమంది ఓన్ వెహికల్ తీసుకెళ్దామని అనుకుంటే.. మరికొందరు ట్రైన్, ఫ్లైట్లో వెళ్లాలని డిసైడ్ అవుతారు. సొంత వాహనంలో వెళ్లేవారికి పెద్దగా ఇబ్బంది ఉండదు.. కానీ ఇతర మార్గాల ద్వారా వెళ్లాలనుకునేవారు ముందుగానే టికెట్లు బుక్ చేసుకోవడం మంచిది. ఎందుకంటే ముందే టికెట్లు బుక్ చేసుకుంటే డబ్బు కొద్దిమేర సేవ్ చేసుకోవచ్చు. ఇక సొంత కారులో వెళ్లేవారు బండి కండీషన్ ముందుగానే చెక్చేసుకోవాలి. ఒకవేళ అక్కడికి వెళ్లిన తర్వాత ఏమైనై రిపేర్ వస్తే డబ్బులు అధికంగా ఖర్చు అయ్యే అవకాశం ఉంటుంది.
ఫుడ్ అండ్ స్టే: మరో ముఖ్యమైనది ఏంటంటే.. వెళ్లబోయే ప్రాంతం గురించి, అక్కడి ఫుడ్, వసతి వివరాలు ముందుగానే తెలుసుకోవడం ద్వారా కూడా డబ్బు ఆదా అవుతుంది. స్టే చేయడానికి హోటల్ గదిని బుక్ చేయడం వల్ల ఒకరు లేదా ఇద్దరు వ్యక్తుల కోసం యూజ్ అవుతుంది. అలాకాకుండా ఎక్కువ మందికి హోటల్ బుక్ చేయాలంటే డబ్బులు కూడా ఎక్కువగానే అవుతాయి. కాబట్టి.. ఎక్కువ మంది ఉండటానికి.. కుటుంబాల కోసం వెకేషన్ రెంటల్ అందుబాటులో ఉన్నాయి. వాటిని యూజ్ చేసుకోవడం ద్వారా మనీ సేవ్ అవుతుంది.
దూర ప్రయాణం చేస్తున్నారా? అయితే ఇవి పాటించండి..
కార్డ్స్: ట్రావెలింగ్ చేసే సమయంలో కొంత డబ్బు మాత్రమే దగ్గర ఉంచుకుని.. కార్డుల ద్వారా పేమెంట్ చేయడం బెస్ట్. ఎందుకంటే కొన్ని కార్డులు ఆఫర్లు ప్రకటిస్తాయి. వాటి ద్వారా పేమెంట్ చేస్తే డబ్బు సేవ్ అవుతుంది. అలాగే కొద్దిమంది ఒక్క కార్డు మాత్రమే తీసుకెళ్తారు. అలాకాకుండా ఓ రెండు మూడు కార్డులు తీసుకెళ్తే ముందు జాగ్రత్తగా ఉపయోగపడుతుంది. ఎందుకంటే బ్యాంకులో ఏదైనా టెక్నికల్ ఇష్యూ వస్తే ఇబ్బంది ఉండదు.
ఇన్సూరెన్స్: ఇకపోతే పెద్ద ట్రిప్పులకు వెళ్తున్నప్పుడు ట్రావెల్ ఇన్సూరెన్స్ తీసుకోవడం వల్ల యూజ్ అవుతుంది. ఎందుకంటే టూర్ వెళ్లిన సమయంలో అనుకోని సంఘటనులు ఏమైనా జరిగినా, లగేజీ, క్రెడిట్ కార్డు పోగొట్టుకున్నా పరిహారం అందుతుంది.
