Swiggy IPO : ప్రముఖ ఫుడ్ డెలివరీ & క్విక్ కామర్స్ సంస్థ స్విగ్గీ ఐపీఓ బుధవారం ప్రారంభం కానుంది. ఈ ఇనీషియల్ పబ్లిక్ ఆఫర్ (ఐపీఓ) ద్వారా ఏకంగా రూ.11,327 కోట్ల వరకు నిధులు సేకరించాలని స్విగ్గీ లక్ష్యంగా పెట్టుకుంది. మరి ఈ మెగా ఐపీఓ వివరాలు మనమూ తెలుసుకుందామా?
Swiggy IPO Full Details
- షేర్ ధర : రూ.371 - రూ.390
- లాట్ సైజ్ : 38 షేర్స్
- లాట్ ధర : రూ.14,820
- గ్రే మార్కెట్ ప్రీమియం (GMP) : రూ.15 - రూ.20
- ఐపీఓ తేదీలు : 2024 నవంబర్ 6 - 8
- షేర్స్ అలాట్మెంట్ : 2024 నవంబర్ 11
- లిస్టింగ్ డేట్ : 2024 నవంబర్ 13
ఈ విషయాలు తెలుసుకోవడం మస్ట్!
- స్విగ్గీ ఆఫర్ ఫర్ సేల్ ద్వారా రూ.6,828 కోట్లు, ఫ్రెష్ ఇష్యూ ద్వారా రూ.4,499 కోట్లు సమీకరించాలని లక్ష్యంగా పెట్టుకుంది.
- ఇందుకోసం ఫ్రెష్ ఇష్యూ కింద 11.54 కోట్ల షేర్లు, ఆఫర్ ఫర్ సేల్ కింద 17.51 కోట్ల షేర్లు జారీ చేసింది.
- మదుపరులు ఈ ఐపీఓలో కనీసం 38 షేర్లు (లాట్) కోసం బిడ్ వేయాల్సి ఉంటుంది. దీని కనీస విలువ రూ.14,820
- స్విగ్గీ ఉద్యోగుల కోసం 7,50,000 షేర్లు రిజర్వ్ చేశారు. పైగా వీరికి షేర్కు రూ.25 వరకు డిస్కౌంట్ కూడా ఇస్తారు.
- రిటైల్ ఇన్వెస్టర్లకు 10 శాతం, క్వాలిఫైడ్ ఇన్స్టిట్యూషనల్ బిడ్డర్స్ (QID)లకు 75 శాతం, నాన్-ఇన్స్టిట్యూషనల్ ఇన్వెస్టర్ల(NII)లకు 15 శాతం షేర్లు రిజర్వ్ చేశారు.
- స్విగ్గీ ఈ ఐపీఓ ద్వారా బొంబాయి స్టాక్ ఎక్స్ఛేంజీ (BSE), జాతీయ స్టాక్ ఎక్స్ఛేంజీ (NSE) రెండింటిలోనూ లిస్ట్ కానుంది.
- 2021 జులైలో పబ్లిక్ ఆఫర్కు వచ్చిన జొమాటో మార్కెట్ విలువ రూ.2.13 లక్షల కోట్లుగా ఉంది. ఇప్పుడు దాని పోటీదారైన స్విగ్గీ మార్కెట్ విలువ అప్పర్ ప్రైస్ బ్యాండ్ దగ్గర సుమారు రూ.95,000 డాలర్లుగా ఉంది.
- ఫుడ్ డెలివరీ & క్విక్ కామర్స్ సంస్థ అయిన స్విగ్గీని 2014లో స్థాపించారు. భారత్లోని దాదాపు 681 నగరాలు, పట్టణాల్లో స్విగ్గీ సేవలు అందుబాటులో ఉన్నాయి. అయితే స్విగ్గీ 2024 జూన్తో ముగిసిన త్రైమాసికంలో రూ.611 కోట్ల మేర నష్టాలను నమోదు చేసింది. ప్రస్తుతం భారత్లో దీనికి ప్రధాన పోటీదారుగా జొమాటో ఉంది.
