Iphone 15 Offers 2024 : మార్కెట్లో ఐఫోన్కు ఉన్న క్రేజీ అంతా ఇంతా కాదు? అయితే మిగిలిన స్మార్ట్ఫోన్లతో పోలిస్తే ఐఫోన్ ధర కొంచెం ఎక్కువగా ఉంటుంది. తాజాగా ఐఫోన్ 15 పై భారీ తగ్గింపు ధరల్లో అందుబాటులో ఉంది. ఈ మోడల్ రూ. 65 వేల రూపాయల నుంచి ఆపైన వివిధ రకాల ఐఫోన్లు అందుబాటులో ఉన్నాయి. మీ పాత ఫోన్ ఎక్స్ఛేంజ్ చేసుకుని రూ. 54,990 వరకు తగ్గింపు ధరల్లో సొంతం చేసుకోవచ్చు.
భారత్లో యాపిల్ 15 ఐఫోన్ను లాంచ్ చేసినపుడు 128 జీబీ వేరియంట్ ప్రారంభ ధర రూ. 79,990 ఉంది. 256 వేరియంట్ ధర రూ. 89,990 గా ఉంది. 512 జీబీ వేరియంట్ ధర రూ. 1,09,990 ఉంది. అయితే ప్రస్తుతం ఐఫోన్ 15 128 వేరియంట్ ధర రూ. 66,999 ఉంది. ఈ కామర్స్ సైట్ ఫ్లిప్కార్ట్లో కొనుగోలు చేసినట్లయితే వివిధ కార్డులను ఉపయోగించి రూ. 4500 వరకూ డిస్కౌంట్ను పొందవచ్చు. తద్వారా మీరు ఐఫోన్ 15 128 జీబీ వేరియంట్ను కేవలం రూ. 61,449లకే సొంతం చేసుకోవచ్చు. వీటితో పాటు ఒక వేల మీ వద్ద పాత ఐఫోన్ ఉంటే దానిపై రూ. 54,990 వరకూ లభించే అవకాశం ఉంది. అయితే ఈ ఆఫర్ అనేది మీ ఫోన్ ఏవిధంగా పనిచేస్తుంది అనే దానికి అనుగుణంగా ఈ ఎక్స్ఛేంజ్ ధర ఉంటుంది.
AIపై యాపిల్ దృష్టిపెట్టిన యాపిల్
ప్రస్తుతం ఆర్టిఫీషియల్ ఇంటెలిజెన్స్ వేగంగా అన్ని పరికరాల్లోకి చేరుతుంది. కాలానుగుణంగా కస్టమర్ల అభిరుచుల్లోనూ మార్పులు వస్తున్నాయి. వీటన్నింటిని దృష్టిలో ఉంచుకొని ఎలక్ట్రానిక్ గ్యాడ్జెట్ల తయారీ సంస్థలు తమ ఉత్పత్తుల్లో ఆర్టిఫీషియల్ ఇంటెలిజెన్స్ను జోడిస్తున్నాయి. ఇప్పటికే కొన్ని దిగ్గజ సంస్థలు తమ ప్రొడక్టుల్లో ఏఐ సాంకేతికతను తీసుకొచ్చాయి. పలు మొబైల్ తయారీ కంపెనీలు కొత్తగా లాంచ్ చేసిన తమ స్మార్ట్ఫోన్లలో ఏఐ ఫీచర్లను అందించాయి.
యాపిల్ తమ ఉత్పత్తుల్లో ఏఐ జోడించడంపై దృష్టి సారించింది. కొత్తగా తీసుకురానున్న IOS 18లో ఏఐ ఆధారిత ఫీచర్లను జోడించనుంది. ఈ ఏడాది చివరలో యాపిల్ ఆవిష్కరించినున్న ఐఫోన్ 16 సీరిస్లో జనరేటివ్ ఏఐ ఫీచర్లను ప్రవేశపెట్టనుంది. ఇప్పటికే మార్కెట్లోకి విడుదలైన గూగుల్ పిక్సెల్ 8, శాంసంగ్ గెలాక్సీ ఎస్24 సిరీస్లు ఏఐ ఆధారిత యాప్లు, టూల్స్తో వచ్చాయి. ఈ ఏడాది రానున్న 16 సిరీస్ ఐఫోన్స్లో ఈ సదుపాయం ఉండనుందని టెక్ వర్గాల అంచనా. యాపిల్లోని 'సిరి' డివైజ్ అసిస్టెంట్లోనే ఏఐ పరంగా కీలక మార్పులు తీసుకురానున్నారు. యాపిల్ లార్జ్ లాంగ్వేజ్ పద్ధతి ద్వారా దీనిని పునరుద్ధరించాలని భావిస్తున్నారు. యాపిల్ డివైజ్లలో ఏఐ ఫీచర్లను అభివృద్ధి చేసేందుకు వచ్చే ఏడాదిలో దాదాపు రూ. 8,300 కోట్లను యాపిల్ ఖర్చు చేసే అవకాశం ఉంది.
ఐఫోన్ యూజర్లకు గుడ్న్యూస్! ఈ కొత్త ఫీచర్తో మీ డేటా మరింత సేఫ్!
రెడ్మీ నుంచి మరో కొత్త స్మార్ట్ఫోన్- ఐఫోన్ కంటే సూపర్ కెమెరా!- ధర ఎంతంటే?
