IDFC First Bank CEO Vaidyanathan : ఐడీఎఫ్సీ ఫస్ట్ బ్యాంక్ మేనేజింగ్ డైరెక్టర్ & సీఈఓ వీ.వైద్యనాథన్ మరోసారి తన దాతృత్వాన్ని చాటుకున్నారు. తనకు ఏమాత్రం సంబంధం లేని ఐదుగురు వ్యక్తులకు 7 లక్షల షేర్లను కానుక (గిఫ్ట్)గా ఇచ్చారు. గతంలోనూ ఆయన, తన శిక్షకునికి, మరణించిన సహోద్యోగుల బంధువులకు, ఇంట్లో పనిచేసే వాళ్లకు, డ్రైవర్కు లక్షల షేర్లను కానుకగా ఇచ్చేశారు.
కానుకగా 7 లక్షల షేర్లు!
మార్చి 21 స్టాక్ ఎక్స్ఛేంజి ఫైలింగ్ ప్రకారం, ఐడీఎఫ్సీ ఫస్ట్ బ్యాంక్ మేనేజింగ్ డైరెక్టర్ & సీఈఓ వీ.వైద్యనాథన్ ఐదుగురు వ్యక్తులకు 7 లక్షల షేర్లను గిఫ్ట్గా ఇచ్చారు. లబ్ధిదారుల్లో సమీర్ మహాత్రేకు 50,000 షేర్లు; మయాంక్ ఘోష్కు 75,000 షేర్లు; సంపత్ కుమార్కు 2.5 లక్షల షేర్లు; ఏ.కనోజియాకు 2.75 లక్షల షేర్లు; మనోజ్ సహాయ్కు 50,000 షేర్లు కానుకగా ఇచ్చారు. ఎందుకంటే?
- సమీర్ మహాత్రే సొంత ఇంటి కలను నిజం చేసేందుకు వైద్యనాథన్ అతనికి 50 వేల షేర్లను కానుకగా ఇచ్చారు.
- తన సహోద్యోగి మరణించిన కారణంగా, అతని బంధువైన మయాంక్ మృణాల్ ఘోష్కు ఆర్థిక భద్రత కల్పించాలనే ఉద్దేశంతో వైద్యనాథన్ 75,000 ఈక్విటీ షేర్లను గిఫ్ట్గా ఇచ్చారు.
- భారత వాయు సేనలో సేవలు అందించిన రిటైర్డ్ వింగ్ కమాండర్ సంపత్కుమార్కు 2 లక్షల 50 వేల షేర్లను గిఫ్ట్గా ఇచ్చారు. దీనితో ఆయన జీవిత చరమాంకం సంతృప్తిగా జీవించడానికి వీలవుతుంది.
- వైద్యనాథన్ ఎ.కనోజియా అనే అతనికి గృహ కొనుగోలు కోసం 2.75 లక్షల షేర్లను, మనోజ్ సహాయ్ అనే స్నేహితునికి 50 వేల షేర్లను కానుకగా ఇచ్చారు.
వైద్యనాథన్ ఛారిటీ
వైద్యనాథన్ గతంలోనూ ఇలానే లక్షల షేర్లను ఇతరులకు కానుక ఇచ్చారు. ముఖ్యంగా 2022 మార్చిలో ఐడీఎఫ్సీ ఫస్ట్ బ్యాంక్లో తనకున్న షేర్లలో 5 లక్షల షేర్లను మరణించిన తన సహోద్యోగుల బంధువులకు అందించారు. ఓ నెల క్రితం తన ట్రైనర్కు, ఇంట్లో పనిచేసే వ్యక్తులకు, డ్రైవర్కు కలిపి రూ.4 కోట్ల విలువైన షేర్లను గిఫ్ట్గా ఇచ్చారు. వైద్యనాథన్ 2020 అక్టోబర్లో కూడా ఒక రిటైర్డ్ స్కూల్ టీచర్కు రూ.30 లక్షల విలువైన షేర్లను కానుకగా ఇచ్చారు.
రహస్యంగా వివాహం చేసుకున్న జొమాటో సీఈఓ - పెళ్లి కూతురు ఎవరంటే? - Zomato CEO Deepinder Goyal marriage
4నెలల వయస్సులోనే రూ.240 కోట్లు ఆస్తి- ఎవరీ ఇండియన్ యంగెస్ట్ మిలియనీర్?
