Woman Lawyer Case On Fake Officers : ముంబయి పోలీసులమని నమ్మించి తనను వీడియో కాల్లో బట్టలు విప్పమని కొందరు దుండగులు అడిగారని ఓ మహిళా న్యాయవాది సైబర్ క్రైమ్ పోలీసులకు ఫిర్యాదు చేశారు. అంతేకాకుండా తన వద్ద రూ.15 లక్షలు దోచుకున్నారని ఆరోపించారు. ఈ ఘటన కర్ణాటకలోని బెంగళూరులో జరిగింది.
ఫిర్యాదులో ఏముందంటే?
Woman Lawyer In Bengaluru Forced To Strip By Scammers : బాధితురాలు చెప్పిన వివరాల ప్రకారం- ఏప్రిల్ 3న ఫెడెక్స్ కంపెనీకి చెందిన ఓ ప్రతినిధి మహిళా న్యాయవాదిని సంప్రదించాడు. ముంబయి నుంచి థాయ్లాండ్కు పంపాల్సిన ఓ పార్శిల్ మీ పేరుపై ఉందని నమ్మబలికాడు. ఇందులో 5 పాస్‌పోర్ట్‌లు, 3 క్రెడిట్ కార్డ్‌లతో పాటు 140 MDMA మత్తుపదార్థాలు ఉన్నాయని చెప్పాడు. అయితే 'ఇందులో డ్రగ్స్ ఉన్న కారణంగా వాటిని కొరియర్ చేయకుండా మేము ఆపాం. దీనిపై ముంబయిలోని సైబర్ క్రైమ్ పోలీసులకు ఫిర్యాదు చేస్తాం. అయితే ఇందుకు మీరు ముందుగా స్కైప్లో వీడియో కాల్ చేయండి. ఈ కాల్ను మేము వారికి (సైబర్ క్రైమ్కు) ట్రాన్స్ఫర్ చేస్తాం' అని సదరు మహిళా న్యాయవాదిని అడిగాడు ఫేక్ ఆఫీసర్. దీంతో ఆమె వెంటనే స్కైప్ను డౌన్లోడ్ చేసుకొని సదరు నకిలీ అధికారికి వీడియో కాల్ చేశారు.
ఈ కాల్లో అతడు పార్శిల్కు సంబంధించిన వివరాలతో పాటు బాధిత మహిళ ఆధార్ వివరాలనూ సేకరించాడు. అనంతరం ఆ స్కైప్ కాల్ అభిషేక్ చౌహాన్ పేరుగల సీనియర్ సీబీఐ ఆఫీసర్కు ట్రాన్స్ఫర్ అయింది. ఈ సమయంలో మహిళ స్కైప్ మాట్లాడుతున్న డివైజ్కు సంబంధించి కెమెరాను ఆన్ చేయమని అడిగాడు నకిలీ పోలీస్. అప్పుడు ఇంటి చిరునామా, బ్యాంక్ అకౌంట్, వార్షిక ఆదాయం, నెలవారీ ఆదాయం, పెట్టుబడులు సహా అనేక వివరాలను కేటుగాడు న్యాయవాది నుంచి సేకరించాడు. తనపై మానవ అక్రమ రవాణా, మనీలాండరింగ్ సహా ఇతర దొంగతనం కేసులు ఉన్నాయని నిందితుడు తనతో అన్నట్లు తన ఫిర్యాదులో పేర్కొన్నారు మహిళ.
రోజంతా కెమెరాను ఆన్లోనే ఉంచి స్క్రీన్‌ను షేర్ ఆప్షన్నూ ఎనేబుల్ చేసి పడుకోవాలని సైబర్ నేరగాళ్లు ఆ మహిళను అడిగారు. ఆ మరుసటి రోజు ఏప్రిల్ 4వ తేదీన రాత్రి 11:30 గంటలకు అభిషేక్ చౌహాన్ అనే వ్యక్తి ఫోన్ చేసి వాస్తవాలను తేల్చేందుకు తన ఖాతాలోని డబ్బు మొత్తాన్ని ఓ నకిలీ ఖాతాకు బదిలీ చేయాలని సూచించాడు. దీంతో ఆ మహిళ తన ఖాతాలో ఉన్న రూ.10.78 లక్షలను నితిన్ జోసెఫ్ అనే నిందితుడి ఖాతాకు ట్రాన్స్ఫర్ చేశారు. ఆ తరువాత నిందితుడు మహిళను ఇంట్లోనే కూర్చొమని తదుపరి సూచనల వచ్చేవరకు అలాగే వేచి ఉండాలని కోరాడు.
ఇక 2 గంటల తర్వాత సైబర్ కేటుగాడు మళ్లీ మహిళకు ఫోన్ చేసి మీ క్రెడిట్ కార్డ్ లావాదేవీలకు సంబంధించి కొన్నింటిలో లోపాలను గుర్తించాం. వీటిని సవరించేందుకు మీరు Bitget అనే యాప్‌ను ఇన్స్టాల్ చేసి అందులో క్రెడిట్ కార్డ్, బ్యాంక్ వివరాలను నమోదు చేయాల్సిందిగా అడిగాడు. అతడు చెప్పిన విధంగా చేసిన బాధిత మహిళ. ఈ క్రమంలో 5000 అమెరికా డాలర్ల విలువైన బిట్‌కాయిన్‌లను కొనుగోలు చేసే ప్రయత్నాన్ని యాప్ తిరస్కరించినట్లుగా ఆమె తెలిపారు. ఆ తర్వాత క్రెడిట్ కార్డు ముందు, వెనుక ఫొటోలను తనకు షేర్ చేయాలని నిందితుడు అడిగినట్లుగా మహిళ తన ఫిర్యాదులో పేర్కొన్నారు.
'నార్కోటిక్ పరీక్ష కోసం స్కైప్లో నన్ను బట్టలు విప్పమని నిందితులు అడిగారు. న్యూడ్ వీడియోలు తీసి తమకు పంపమని కోరారు. లేదంటే డ్రగ్స్ కేసులో నన్ను, నా కుటుంబాన్ని అరెస్ట్ చేస్తామని బ్లాక్మెయిల్ చేశారు. ఏప్రిల్ 5న మధ్యాహ్నం 3 గంటల సమయంలో స్కైప్లో వారు రికార్డు చేసిన వీడియోను డార్క్ వెబ్‌ సహా అనేక సైట్లలో విక్రయానికి ఉంచుతామని అభిషేక్ చౌహాన్ అనే వ్యక్తి నన్ను బెదిరించాడు' అని బాధిత మహిళా న్యాయవాది ఆవేదన వ్యక్తం చేస్తూ పోలీసులకు ఫిర్యాదు చేశారు.
ఛత్తీస్గఢ్లో ఘోర రోడ్డు ప్రమాదం- బస్సు బోల్తా పడి 12 మంది మృతి - Chhattisgarh Accident Today
ఒకే కుటుంబం- 1200 మంది ఓటర్లు- అభ్యర్థులందరి చూపు ఆయనపైనే! - 1200 Voters In One Family In Assam
