How To Make Pineapple Bobbatlu : ఉగాది పర్వదినానికి మరో రెండు రోజుల సమయం మాత్రమే మిగిలి ఉంది. ఈ తెలుగు సంవత్సరాది రోజున చిన్నపిల్లల నుంచి పెద్దల వరకు ఉగాది పచ్చడిని ఆస్వాదిస్తూ.. వివిధ రకాల పిండి వంటలు తయారు చేసుకుంటారు. అందులో కచ్చితంగా బొబ్బట్లు ఉంటాయి. ఈ బొబ్బట్లను సెనగపప్పు, రవ్వ వంటి వాటితో తయారు చేస్తుంటారు.
అయితే.. ఈ ఉగాది పండుగ వేళ మాత్రం సరి కొత్త బొబ్బట్లు తయారు చేయండి. అవే పైనాపిల్ బొబ్బట్లు. ఒక్కసారి ఈ పైనాపిల్ బొబ్బట్లు తిన్నారంటే.. పిల్లల నుంచి పెద్దల వరకు మళ్లీ మళ్లీ కావాలంటారు. అంత టేస్టీగా ఉండే పైనాపిల్ బొబ్బట్లను ఎలా ప్రిపేర్‌ చేయాలో ఇప్పుడు చూద్దాం.
పైనాపిల్ బొబ్బట్లు రెడీ చేయడానికి కావాల్సిన పదార్థాలు :
- మైదా 1 కప్పు
- బెల్లం పొడి 1 కప్పు
- కందిపప్పు 3/4 కప్పు
- ఉప్పు సరిపడినంత
- యాలకుల పొడి అర చెంచా
- స్టార్ ఆనీ, జాజికాయ పొడి (1/2 స్పూన్)
- పైనాపిల్ 2 కప్పులు (సన్నగా కట్‌ చేసుకోవాలి)
- పసుపు పొడి 1/2 tsp
- నీళ్లు
- నెయ్యి
పైనాపిల్ బొబ్బట్ల తయారీ విధానం :
- ముందుగా నానబెట్టుకున్న కంది పప్పును ఉడికించుకోవాలి.
- పప్పు ఉడికిన తర్వాత దాన్ని మిక్సిలో వేసి మెత్తగా గ్రైండ్‌ చేసుకోవాలి.
- ఆ తర్వాత అందులోకి బెల్లం పౌడర్‌, జాజికాయ పొడి, యాలకుల పొడిని యాడ్‌ చేసుకుని బాగా కలుపుకోవాలి.
- అలాగే సన్నగా తరిగిన పైనాపిల్ ముక్కలను కూడా వేసుకుని కలుపుకోవాలి.
- ఈ మిశ్రమాన్ని నిమ్మపండు సైజ్‌లో ఉండలు చేసుకుని పక్కన పెట్టుకోవాలి.
- ఇప్పుడు మైదా పిండిని తీసుకుని అందులో కొద్దిగా ఉప్పు, నీళ్లు వేసి చపాతీల పిండి లాగా కలుపుకోవాలి.
- తర్వాత పిండిలోకి కొద్దిగా ఆయిల్‌ కూడా వేసుకోవాలి.
- ఇప్పుడు మైదా పిండిని చపాతీలుగా చేసుకుని, వాటి మధ్యలో పైనాపిల్ మిశ్రమాన్ని పెట్టాలి.
- తర్వాత చపాతీల పిండిని కప్పి బొబ్బట్లు తయారు చేసుకోవాలి.
- ఇప్పుడు ఈ బొబ్బట్లను వేడివేడి పాన్‌ మీద కాస్త నెయ్యి వేసి, రెండు వైపులా బాగా కాల్చుకోవాలి.
- అంతే.. ఇలా సింపుల్‌గా మిగతా బొబ్బట్లు అన్ని రెడీ చేసుకుని సర్వ్‌ చేసుకుంటే సరిపోతుంది.
- ఈ పైనాపిల్ బొబ్బట్లు తినేటప్పుడు కొద్దిగా నెయ్యి వేసుకుని తింటే ఇంకా టేస్టీగా ఉంటుంది.
- సో.. మీరు కూడా ఈ పైనాపిల్ బొబ్బట్లు రెసిపీని ఈ ఉగాదికి ట్రై చేసేయండి.
A woman employs 20 women : భలే భలే పిండి వంటలతో.. బహు బాగు లాభాలు
సంక్రాంతి స్పెషల్ స్వీట్స్ - వాహ్వా అనిపిస్తున్న 'ఘేవర్‌' మిఠాయి గురించి తెలుసా?
