Clothes Washing Tips : వాషింగ్ మెషీన్లో వేసినా, చేతులతో దుస్తులు ఉతికినా సరే ఒక్కక్కరికీ ఒక్కో పద్ధతి ఉంటుంది. కొంత మంది దుస్తులను తిరగేసి ఉతికితే ఇందకొందరు నేరుగా అంటే బయట భాగంవైపే ఉతుకుతారు. అయితే ఈ రెండింటిలో ఏది సరైన మార్గం అని మీరు ఎప్పుడైనా ఆలోచించారా? ఆ దుస్తులు తిరగేసి ఉంటే ఏంటి మామూలుగా ఉంటే ఏంటి? ఎలాగోలా ఉతికేసుకుంటున్నాం కదా అని లైట్ తీసుకోకండి. దుస్తులు ఎక్కువకాలం పాడవకుండా ఉండాలంటే ఇవన్నీ చూసుకుని ఉతకడం చాలా అవసరమని నిపుణులు అంటున్నారు.
మనం వేరు వేరు రకాల మురికి, చెమట ఉన్న వస్త్రాలను కలిపి ఉతుకుతాం. మిషన్లో వేసినా చేతులతో ఉతికినా ఇదే పద్ధతిని పాటిస్తాం. అయితే నిపుణులు మాత్రం దుస్తులను లోపలి భాగం నుంచి అంటే తిరగేసి ఉతకడం మంచిదని అంటున్నారు. వాషింగ్ మెషీన్ ఉపయోగించేటప్పుడు కొంచెం ఎక్కువ సయమం తీసుకున్నప్పటకీ ఈ పద్ధతిలో ఉతకాలని చెబుతున్నారు. అప్పుడే ఎక్కువ కాలం ఉంటాయని తెలుపుతున్నారు.
ప్రయోజనాలు
రంగు : వస్త్రాల లోపలి భాగాన్ని అంటే తిరగేసి ఉతకడం వల్ల బయట భాగంపై రాపిడి తగ్గి, వస్త్రం రంగు పోకుండా కాపాడవచ్చు. జిప్పులు, బటన్స్ ఊడకుండా రక్షించవచ్చు. అలాగే దుస్తుల రంగు ఒకదానికొకటి అంటుకోకుండా ఉంటాయని నిపుణులు అంటున్నారు.
మరక :దుస్తులను తిరగేసి ఉతకడం వల్ల లోపలి భాగంలోని మొండి మరకలు, మురికి వంటి వాటిని సులభంగా తొలగించవచ్చు. ముఖ్యంగా అథ్లెట్స్ దుస్తులు, యూనిఫార్మ్స్ విషయంలో ఈ పద్ధతి చాలా మేలు చేస్తుందని నిపుణులు చెబుతున్నారు.
చెమట : జిమ్, స్నోర్ట్స్ వేర్, యూనిఫర్మ్స్ వంటి వాటికి మరకలతో పాటు చెమట కూడా ఎక్కువే. లోపలి భాగం ఉతకడం వల్ల మరకలు, చెమట చక్కగా వదిలిపోయి వస్త్రం మరింత శుభ్రమవుతుంది.
దుర్వాసన : ఈ పద్ధతిలో ఉతకడం వల్ల వస్త్రం లోతుల్లోంచి శుభ్రమవుతాయి. ఫలితంగా దుర్వాసన పోయి శుభ్రంగా మారతాయి. వేరు శరీరాల చెమట వాసన కారణంగా వచ్చే దుర్వాసనను ఈ పద్ధతి చక్కగా అరికడుతుంది.
వస్త్రం : తిరగేసి ఉతకడం వల్ల కలిగే మరో ప్రయోజనమేంటంటే బయటకు కనిపించే వస్త్రంపై ఎక్కువ రాపిడి పడదు. చేతితో ఉతికినా, వాషింగ్ మెషీన్లో వేసినా సరే బట్టలకు ఉపయోగించే డిటర్జెంట్ లేదా లిక్విడ్ ప్రభావం వస్త్రాన్ని పాడవకుండా కాపాడుతుంది. దుస్తులు ఎక్కువ కాలం మెరుస్తూ ఉండేందుకు ఈ పద్ధతి మీకు సహాయపడుతుంది.
ముఖ్య గమనిక : ఈ వెబ్సైట్లో మీకు అందించిన ఆరోగ్య సమాచారం, వైద్య చిట్కాలు, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
