Bug Found In PhonePe : దేశంలో కొన్నేళ్లుగా డిజిటల్ పేమెంట్స్ బాగా పెరిగిపోయాయి. ప్రతిదానికీ యూపీఐ పేమెంట్స్ చేస్తున్నారు. చిన్నచిన్న షాపులు మొదలు పెద్ద స్థాయిలో నిర్వహించే వ్యాపారాల వరకూ, యూపీఐ పేమెంట్స్ను అనుమతిస్తున్నాయి. మన దేశంలో అత్యంత ప్రజాదరణ పొందిన యూపీఐ యాప్స్లో 'ఫోన్ పే' ఒకటిగా ఉంది. కూరగాయలు కొనడం నుంచి రైలు, విమాన టికెట్ బుకింగ్స్ వరకు ఈ యాప్నే చాలా మంది వినియోగిస్తున్నారు. అయితే ఇటీవల కాలంలో సైబర్ మోసాలు విపరీతంగా పెరిగిపోయాయి. మొబైల్ను హ్యాక్ చేసి ఫోన్ పే, బ్యాంకు అకౌంట్ నుంచి సైబర్ మోసగాళ్లు నగదును కొల్లగొడుతున్నారు. ఈ నేపథ్యంలో బిహార్లోని బాగల్పుర్ చెందిన ఓ యువకుడు ఫోన్ పేలో ఓ బగ్ను కనుగొన్నాడు. అదెంటంటే?
బాగల్పుర్లోని బుధానాథ్కు చెందిన మయాంక్ సైబర్ సెక్యూరిటీ పరిశోధకుడు. ఓటీపీ లేకుండా ఫోన్ పేలో లాగిన్ అయ్యాడు. ఈ బగ్ను ఫోన్ పేకి తెలియజేశాడు. దీనికి ప్రతిస్పందనగా ఆ సంస్థ మయాంక్కు ఈ-మెయిల్ ద్వారా ధన్యవాదాలు తెలిపింది. మరికొద్ది రోజుల్లో మయాంక్ను సన్మానించనున్నట్లు పేర్కొంది. అంతేకాకుండా మయాంక్ పేరును హాల్ ఆఫ్ ఫేమ్లో చేర్చింది.
"నేను ఫోన్ పే ద్వారా చాలా మందికి డబ్బులు పంపతున్నాను. ఈ క్రమంలో ఎవరైనా ఈ యాప్ను హ్యాక్ చేయగలరా అనే సందేహం నాకు వచ్చింది. ఆ తర్వాత నేను ఫోన్ పే హ్యాకింగ్ చేసే అంశాలపై పరిశోధన ప్రారంభించాను. అప్పుడు నా ఫోన్లో ఓటీపీ సెక్షన్ను తొలగించాను. ఓటీపీ లేకపోయినా సులువుగా ఫోన్ పే లాగిన్ అయ్యాను. సాధారణంగా ఓటీపీతో ఫోన్ పే లాగిన్ అవ్వాలి. అది లేకపోయినా ఫోన్ పే లాగిన్ అయ్యాను. దీనిని బట్టి ఒకటి అర్థమవుతోంది. ఫోన్ పేను ఏ హ్యాకర్ అయినా హ్యాక్ చేయవచ్చు." అని ఈటీవీ భారత్తో మయాంక్ తెలిపారు.
నాసా, గూగుల్లో కూడా బగ్
గతంలోనూ నాసా, గూగుల్లో బగ్ గురించి ఆ సంస్థలకు వివరించాడు మయాంక్. 2023లో గూగుల్లో బగ్ను కనుగొని ఆ సంస్థకు తెలియజేశాడు. మయాంక్ను అభినందిస్తూ గూగుల్ అతడికి ఐఫోన్, ల్యాప్‌ టాప్, అనేక ఇతర వస్తువులను బహుమతిగా ఇచ్చింది. అలాగే నాసాలో పనిచేస్తున్న ఉద్యోగుల డేటా లీక్ అయ్యే అవకాశం ఉందని ఆ సంస్థ సైట్‌ను పరిశీలించడం ద్వారా మయాంక్ కనుగొన్నాడు. ఈ విషయాన్ని నాసాకు తెలియజేశాడు. ప్రస్తుతం మయాంక్ కళింగ యూనివర్సిటీలో బీసీఏ చదువుతున్నారు. ఎథికల్ హ్యాకింగ్లో మంచి పేరు సంపాదించుకున్నాడు. మయాంక్పై పలువురు ప్రశంసలు కురిపిస్తున్నారు.
ఎగ్జామ్ హాల్స్లో ఇక AI సీసీ కెమెరాలతో నిఘా- నెట్, నీట్ వివాదాలతో UPSC అలర్ట్ - AI BASED CCTV UPSC
