ପ୍ରଜାପତିରେ ନେତାଜୀ

ଚଣ୍ଡିଗଡ: ମହାନାୟକ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜୟନ୍ତୀଙ୍କୁ ଦେଶର କୋଣ ଅନୁକୋଣରେ ଭିନ୍ନ ଭିନ୍ନ ଢଙ୍ଗରେ ପାଳନ କରାଯାଉଛି । ଏହାରି ମଧ୍ୟରେ ଚଣ୍ଡିଗଡର ଜଣେ ଚିତ୍ରକାର ପ୍ରଜାପତିରେ ନେତାଜୀଙ୍କୁ ଅତି ସୁନ୍ଦର ଭାବେ ଆଙ୍କିଛନ୍ତି । ଯାହାର ଲମ୍ବ 17 ଫୁଟ ହୋଇ ଥିବାବେଳେ ଓସାର 7 ଫୁଟ ରହିଛି । ଏହି ଚିତ୍ରରେ କାଗଜରେ ତିଆରି ଏକ ହଜାର ପ୍ରଜାପତି ବ୍ୟବହାର କରିଛନ୍ତି ଚିତ୍ରକାର । ତେବେ ଏହି ଚିତ୍ର ଚଣ୍ଡିଗଡ ସେକ୍ଟର-35 ରେ ଥିବା ବଙ୍ଗ ଭବନରେ ନିର୍ମାଣ କରାଯାଇଛି । ପ୍ରଜାପତିକୁ ମୁକ୍ତର ପ୍ରତୀକ ମନାଯାଏ ଏବଂ ନେତାଜୀ ସବୁବେଳେ ସ୍ବାଧୀନତା ପାଇଁ ଲଢିବା ଶିଖାଇଛନ୍ତି । ଏଥିପାଇଁ ପ୍ରଜାପତିରେ ନେତାଜୀଙ୍କ ଚିତ୍ର ଅଙ୍କନ କରାଯାଇଛି ବୋଲି ବଙ୍ଗ ଭବନର ଇନଚାର୍ଜ ପିବି ଶର୍ମା କହିଛନ୍ତି । ବ୍ୟୁରୋ ରିପୋର୍ଟ, ଇଟିଭି ଭାରତ