ବିଷ୍ଣୁଙ୍କ ବିୟୋଗରେ କଂଗ୍ରେସ ନେତା ଓ ବିଧାୟକଙ୍କ ଶୋକ

ଭୁବନେଶ୍ବର: ଆଉ ନାହାନ୍ତି ଧାମନଗର ବିଧାୟକ ତଥା ବିରୋଧୀ ଦଳ ଉପନେତା ବିଷ୍ଣୁ ଚରଣ ସେଠୀ । ଭୁବନେଶ୍ବର ଏମ୍ସରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତି ହୋଇଛି । ଦୀର୍ଘ ଦିନ ହେଲା ସେ କିଡନୀ ରୋଗରେ ଆକ୍ରାନ୍ତ ଥିଲେ । ସୋମବାର ସକାଳୁ ତାଙ୍କ ଫୁସ୍‌ଫୁସ୍‌ ସଂକ୍ରମଣ ହୋଇଥିଲା ତା ସହିତ ବ୍ରେନ୍‌ ଷ୍ଟ୍ରୋକ୍‌ ମଧ୍ୟ ହୋଇଥିଲା । ଫଳରେ ସବୁଦିନ ପାଇଁ ଆଖି ବୁଜିଛନ୍ତି ରାଜନେତା ତଥା ସାରସ୍ବତ ସାଧକ ବିଷ୍ଣୁ ସେଠୀ । ଜଣେ ନିଡର ନେତା ଭାବରେ ଖ୍ୟାତି ଲାଭ କରିଥିଲେ ବିଷ୍ଣୁ । ଲୋକଙ୍କ ସମସ୍ୟା ଉପସ୍ଥାପନ ଶୈଳୀରେ ସେ ଥିଲେ ମାହିର । ବିଷ୍ଣୁଙ୍କ ବିୟୋଗକୁ ନେଇ ପ୍ରଦେଶ କଂଗ୍ରେସ ସଭାପତିଙ୍କ ସହ କଂଗ୍ରେସ ନେତା ଓ ବିଧାୟକ ବିଷ୍ଣୁ ସେଠୀଙ୍କୁ ନେଇ ଶୋକ ପ୍ରକାଶ କରିଛନ୍ତି ( Congress MLAs mourn on demise of BJP MLA)।