ଦିଲ୍ଲୀ ଅଭିମୁଖେ ବାହାରିଲେ ଦ୍ରୌପଦୀ ମୁର୍ମୁ

ରାଇରଙ୍ଗପୁର: ଦିଲ୍ଲୀ ଅଭିମୁଖେ ବାହାରିଲେ NDA ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁ । ଆଜି ଅପରାହ୍ନରେ ମୟୂରଭଞ୍ଜର ରାଇରଙ୍ଗପୁରସ୍ଥିତ ବାସଭବନରୁ ଭୁବନେଶ୍ୱର ଅଭିମୁଖେ ସେ ଯାତ୍ରା କରିଛନ୍ତି । ଘରୁ ବାହାରିବା ପରେ ଜେଡ୍ ପ୍ଲସ୍ ସୁରକ୍ଷା ମଧ୍ୟରେ ପ୍ରଥମେ ମହୁଲଡିହା ସ୍ଥିତ ସୁନାରାମ ସରେନ, ମୁର୍ମୁ ଛକରେ ଥିବା ପଣ୍ଡିତ ରଘୁନାଥ ମୁର୍ମୁ, ଓ ନିକଟସ୍ଥ ଅନ୍ୟାନ୍ୟ ସ୍ଥାନରେ ଥିବା ମଧୁ ବାବୁ, ଶହୀଦ ନୁଦୁରାମ ସରେନ ଓ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ। ପରେ କଡା ସୁରକ୍ଷା ମଧ୍ୟରେ ସେ ଭୁବନେଶ୍ବର ଅଭିମୁଖେ ଯାତ୍ରା କରିଛନ୍ତି । ଭୁବନେଶ୍ବର ବିମାନ ବନ୍ଦରରୁ ସେ ନୂଆଦିଲ୍ଲୀ ଅଭିମୁଖେ ଯାତ୍ରା କରିବେ । ମୁର୍ମୁ ଆସନ୍ତା 24 ରେ ପ୍ରାର୍ଥୀପତ୍ର ଦାଖଲ କରିବେ ।