ନନ୍ଦନକାନନରେ ପର୍ଯ୍ୟଟକଙ୍କୁ ମାଡ ମାରି ବନ୍ଧା ହେଲେ 3 ଜଣ

ଭୁବନେଶ୍ବର: ନନ୍ଦନକାନନରେ ପର୍ଯ୍ୟଟକଙ୍କୁ ମାଡ ଘଟଣାରେ 3 ଗିରଫ । ସେମାନେ ହେଲେ ସନ୍ତୋଷ କୁମାର ସାହୁ, କହ୍ନା ମହାପାତ୍ର, ଅମନ ପାଟଶାଣୀ । ଅନ୍ୟପଟେ ନନ୍ଦନକାନନ ପକ୍ଷରୁ ଘଟଣାର ଯାଞ୍ଚ କରାଯାଉଥିବା କହିଛନ୍ତି ନନ୍ଦନକାନନ ଉପ ନିର୍ଦ୍ଦେଶକ ସଂଜୀବ କୁମାର । ଆକ୍ରମଣ ଘଟଣାରେ ରେଞ୍ଜ ସିକ୍ୟୁରିଟି ଅଫିସରଙ୍କୁ ତଦନ୍ତ ରିପୋର୍ଟ ମଗାଯାଇଛି । ସ୍ଥାନୀୟ ସୁରକ୍ଷାକର୍ମୀ ଓ ସିସିଟିଭି ଆଧାରରେ ରିପୋର୍ଟ ଦେବାକୁ ନିର୍ଦ୍ଦେଶ ଦିଆଯାଇଛି । ସୂଚନା ଥାଉକି, ଗତକାଲି ଛତିଶଗଡରୁ ଆସିଥିବା 27ଜଣ ପର୍ଯ୍ୟଟକଙ୍କୁ ନନ୍ଦନକାନନର ସଫାରି କର୍ମଚାରୀ ଆକ୍ରମଣ କରିଥିଲେ । ଯାହାର ସିସିଟିଭି ଫୁଟେଜ ସାମ୍ନାକୁ ଆସିଛି । ଭୁବନେଶ୍ବରରୁ ତାପସ ପରିଡ଼ା ଓ ବିକାଶ ଦାସ, ଇଟିଭି ଭାରତ