Shocking: କୂଅକୁ ଖସିଲା କାର୍, ଅଳ୍ପକେ ବର୍ତ୍ତିଲା ୪ ଜୀବନ

ଥିରୁଅନନ୍ତପୁରମ: ଇଦ୍ ପାଳିବାକୁ ଯାଉଥିବା ବେଳେ ବାଟରେ ଘଟିଲା ଅଘଟଣ । ଭାରାସାମ୍ୟ ହରାଇ ରାସ୍ତାକଡରେ ଥିବା କୂଅକୁ ଖସିଲା କାର୍‌ । କାରରେ ଜଣେ ୬ ବର୍ଷର ବାଳକ ସହ ମୋଟ ୪ ଜଣ ଥିଲେ । ସେମାନେ ନିଜ ବାପା ଅବଦୁଲ ନସିରଙ୍କ ସହ ପିଉସୀ ଘରକୁ ଇଦ୍ ପାଳନ କରିବାକୁ ଯାଉଥିଲେ । ରାସ୍ତାରେ ଯାଉଥିବା ସମୟରେ ଗାଡିଟି କୂଅ ଭିତରେ ଖସି ପଡିଥିଲା । ମାତ୍ର ଭାଗ୍ୟବଶତଃ ଅଳ୍ପକେ ସମସ୍ତଙ୍କ ଜୀବନ ବଞ୍ଚିଯାଇଛି । ଅଗ୍ନିଶମ ବାହିନୀ ଏବଂ ସ୍ଥାନୀୟ ଲୋକେ କୂଅରୁ ୪ ଜଣଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି । କାରକୁ ମଧ୍ୟ ପାଣିରୁ ବାହାର କରାଯାଇଛି । କେରଳର କାସରଗୋଡ ଅଞ୍ଚଳରୁ ଏହି ଚିତ୍ର ସାମ୍ନାକୁ ଆସିଛି । ଦେଖନ୍ତୁ ଦୁର୍ଘଟଣା ସମୟର ସେହି ଛାତିଥରା ଦୃଶ୍ୟ