ବାରବାଟୀରେ ମ୍ୟାଚ୍‌ ପ୍ରସ୍ତୁତି ତଦାରଖ କଲେ ପ୍ରଣବ ପ୍ରକାଶ

କଟକ: ବାରବାଟୀରେ ଅନ୍ତର୍ଜାତୀୟ ଟି-୨୦ ମୁକାବିଲାରେ ମୁହାଁମୁହିଁ ହେବେ ଭାରତ ଓ ଦକ୍ଷିଣ ଆଫ୍ରିକା । ଷ୍ଟାଡିୟମରେ ମ୍ୟାଚ୍‌ର ପ୍ରସ୍ତୁତି ତଦାରଖ କରିଛନ୍ତି ବିଜେଡି ସାଂଗଠନିକ ସଂପାଦକ ତଥା ବିଧାୟକ ପ୍ରଣବ ପ୍ରକାଶ ଦାସ । ଏହି ଅବସରରେ ମ୍ୟାଚ୍‌ ଆୟୋଜନ ପାଇଁ ଆବଶ୍ୟକ ସରକାରୀ ସହାୟତା ଦେବାକୁ ପ୍ରତିଶ୍ରୁତି ଦେଇଛନ୍ତି ପ୍ରଣବ ପ୍ରକାଶ ଦାସ । ଜୁନ୍‌ ୧୨ ତାରିଖରେ ବାରବାଟୀରେ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଟି-୨୦ ସିରିଜ୍‌ର ଦ୍ବିତୀୟ ମ୍ୟାଚ୍‌ ଖେଳାଯିବ । ଏହାପୂର୍ବରୁ ଷ୍ଟାଡିୟମକୁ ସମସ୍ତ ଆବଶ୍ୟକ ସହାୟତା ଯୋଗାଇ ଦିଆଯିବ ବୋଲି କହିଛନ୍ତି ବିଜେଡି ସାଙ୍ଗଠନିକ ସମ୍ପାଦକ ।