ବୀରତା ଦିବସ: ମନେ ପଡୁନାହାନ୍ତି ଘେଁସ ଜମିଦାର ମାଧୋ ସିଂ

ବରଗଡ଼: 1857 ମସିହା ଭାରତର ପ୍ରଥମ ସ୍ବାଧୀନତା ସଂଗ୍ରାମର ସ୍ମୃତି ଚାରଣ କରୁଛି ବରଗଡ ଜିଲ୍ଲା ଘେଁସ ଗ୍ରାମର ଶହୀଦ ସ୍ମୃତିପୀଠ । ଘେଁସ ଜମିଦାର ମାଧୋ ସିଂ ଓ ତାଙ୍କ ଚାରି ପୁଅ ଦେଶମାତୃକାର ସେବା ପାଇଁ ନିଜ ଜୀବନକୁ ଉତ୍ସର୍ଗୀକୃତ କରିଥିଲେ । ତେବେ ମାଧୋ ସିଂଙ୍କ ପରିବାରର ବୀରତ୍ବର ସ୍ମୃତିରେ 31 ଡିସେମ୍ବରକୁ ବୀରତା ଦିବସ ଭାବେ ପାଳନ କରିବାକୁ ଘୋଷଣା କରିଥିଲେ ସରକାର । କିନ୍ତୁ ଓଡିଶାରେ କ୍ବଚିତ ଲୋକ ଅବଗତ ଥିବେ ଘେଁସ ଜମିଦାର ଓ ତାଙ୍କ ପରିବାରଙ୍କ ବଳିଦାନ ବିଷୟରେ । କାରଣ ଇତିହାସ ପୃଷ୍ଠାରେ ନିଶ୍ଚିହ୍ନ ହୋଇ ଯାଇଛି ଏମାନଙ୍କ ବିରତ୍ବ କାହାଣୀ ।