ବୀଣାପାଣିଙ୍କ ନିଆରା କଳାକୃତି କରି ଅଭିନନ୍ଦନ ଜଣାଇଲେ ଶିଳ୍ପୀ

ପୁରୀ: ଆଜି ମା' ବିଦ୍ୟାଦେବୀଙ୍କ ପୂଜା ଅବସରରେ ଚିତ୍ରଶିଳ୍ପୀଙ୍କ ନିଆରା କଳାକୃତି । ପୁରୀ ଜିଲ୍ଲା ବାସେଳୀ ସାହିର ଯୁବ ଚିତ୍ରଶିଳ୍ପୀ ଏକ ସୁନ୍ଦର କଳାକୃତି କରି ସମସ୍ତଙ୍କୁ ସରସ୍ଵତୀ ପୂଜାର ଅଭିନନ୍ଦନ ଜଣାଇଛନ୍ତି । ଅଷ୍ଟମ ଶ୍ରେଣୀର ଛାତ୍ର ଆୟୁଷ ମହାପାତ୍ର ମାତ୍ର ୬ ମିନିଟରେ ଦୁଇହାତରେ ବାଗ୍‌ଦେବୀ ମା ସରସ୍ବତୀଙ୍କର ଓଲଟା ଚିତ୍ର ଆଙ୍କି ଏବେ ବେଶ୍ ଚର୍ଚ୍ଚା ସାଉଁଟିଛନ୍ତି । ଏହି ୬ ମିନିଟର ଚିତ୍ରକଳା ମାଧ୍ୟମରେ ସେ ସଭିଙ୍କୁ ଅଭିନନ୍ଦନ ଜଣାଇବା ସହ କରୋନା ମହାମାରୀର ବିନାଶ ପାଇଁ ପ୍ରାର୍ଥନା କରିଛନ୍ତି । ପୂର୍ବରୁ ଆୟୁଷ ପ୍ରଭୁ ଗଣେଷଙ୍କ ଓଲଟା ଚିତ୍ର ସମେତ ଅନେକ ଚିତ୍ର କରି ଇଣ୍ଡିଆ ବୁକ ଅଫ ରେକର୍ଡ୍ସର ଅଧିକାରୀ ହୋଇଛନ୍ତି। ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ