ବାଲୁକା କଳାରେ ଗୋଲ୍ଡେନ ବଏଙ୍କୁ ଶୁଭେଚ୍ଛା

ପୁରୀ: ଦେଶ ପାଇଁ ସୁନା ଆଣିଛନ୍ତି ସୁନା ପୁଅ ନୀରଜ ଚୋପ୍ରା । ଟୋକିଓ ଅଲମ୍ପିକ୍ସରେ ଜାଭଲିନ ଥ୍ରୋରେ ନୀରଜ ଦମଦାର ପ୍ରଦର୍ଶନ କରି ଇତିହାସ ରଚିଛନ୍ତି । ଯେଉଁଥିପାଇଁ ଆଜି ସାରା ଦେଶ ଉତ୍ସବ ମୁଖର । ଏପରିସ୍ଥଳେ ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ଏହି ସୁନା ପୁଅଙ୍କୁ ନିଜ ବାଲୁକା କଳା ମାଧ୍ୟମରେ ଶୁଭେଚ୍ଛା ଜଣାଇଛନ୍ତି । ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ବାଲୁକା କଳା ତିଆରି କରି ଭାରତ ପାଇଁ ସ୍ବର୍ଣ୍ଣିମ କ୍ଷଣ ବୋଲି ଲେଖିଛନ୍ତି । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ