ରାୟଗଡାରେ ନୂତନ ଜିଲ୍ଲାପାଳଙ୍କ ଦାୟିତ୍ବ ଗ୍ରହଣ

ରାୟଗଡା: ରାୟଗଡାର ନୂତନ ଜିଲ୍ଲାପାଳ ଭାବେ ଯୋଗ ଦେଲେ ସରୋଜ କୁମାର ମିଶ୍ର । ସେ ବିଦାୟୀ ଜିଲ୍ଲାପାଳ ପ୍ରମୋଦ କୁମାର ବେହେରାଙ୍କ ଠାରୁ ଦାୟିତ୍ବ ଗ୍ରହଣ କରିଛନ୍ତି । 21 ବର୍ଷ ତଳେ ସେ ରାୟଗଡାରେ ସହକାରୀ ଜିଲ୍ଲାପାଳ, ଅତିରିକ୍ତ ତହସିଲଦାର, ମ୍ୟୁନିସିପାଲଟିର କାର୍ଯ୍ୟନିର୍ବାହୀ ଅଧିକାରୀ ଓ ଭୂ - ଅର୍ଜନ ଅଧିକାରୀ ଭାବେ କାର୍ଯ୍ୟ କରିଛନ୍ତି । ସେ ନିଜର ପ୍ରଥମ ପ୍ରତିକ୍ରିୟାରେ ଜିଲ୍ଲାର ଶିକ୍ଷାର ଅଭିବୃଦ୍ଧି, ସ୍ବାସ୍ଥ୍ୟସେବାର ଉନ୍ନତି, ଗମନାଗମନ, ଆଦିମ ଜନଜାତିର ଆର୍ଥିକ ପ୍ରଗତି ପାଇଁ ପ୍ରାଥମିକତା ଦେବେ ବୋଲି ପ୍ରକାଶ କରିଛନ୍ତି । ଏନେଇ ଜନସାଧାରଣଙ୍କ ସହଯୋଗ କାମନା କରିଛନ୍ତି। ପ୍ରଥମ କାର୍ଯ୍ୟ ଦିବସରେ ଜିଲ୍ଲାର ବିଭିନ୍ନ ବିଭାଗର ଅଧିକାରୀଙ୍କ ସହ ପୃଥକ ପୃଥକ ଭାବେ ଜିଲ୍ଲାର ସ୍ଥିତି ନେଇ ଆଲୋଚନା କରିଛନ୍ତି।