ଜଳିଗଲା ଚଳନ୍ତା କାର, ଅଳ୍ପକେ ବର୍ତ୍ତିଲେ ଚାଳକ

ଢେଙ୍କାନାଳ: ଜଳିଗଲା କାର୍, ଅଳ୍ପକେ ବର୍ତ୍ତିଲେ ଚାଳକ । ସୂଚନାନୁସାରେ, କନ୍ତିଓ ପୁଟସାହି ଗ୍ରାମର ସୁଶାନ୍ତ କୁମାର ପୃଷ୍ଟି ନିଜ କାରରେ ପଣ୍ଡୁଆ ଛକରୁ ନିଜ ଗ୍ରାମ କନ୍ତିଓ ପୁଟସାହିକୁ ଫେରୁଥିଲେ l ଫେରିବା ସମୟରେ ଗ୍ରାମ ନିକଟରେ ହଠାତ୍ କୌଣସି କାରଣରୁ ତାଙ୍କ କାରର ଇଞ୍ଜିନରେ ନିଆଁ ଲାଗିଯାଇଥିଲା । ଫଳରେ କାରଟି ସମ୍ପୂର୍ଣ୍ଣ ଭାବେ ପୋଡିଯାଇଥିଲା ବେଳେ ସେ କାର ମଧ୍ୟରୁ କୌଣସି ପ୍ରକାରେ ବାହାରି ଆସି ନିଜ ଜୀବନ ବଞ୍ଚାଇବାକୁ ସକ୍ଷମ ହୋଇଥିଲେ । ଖବର ପାଇ କାମାକ୍ଷାନଗର ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ। ଆୟତ୍ତ ହେଲା ବେଳକୁ କାରଟି ସମ୍ପୁର୍ଣ ପୋଡି ଯାଇଥିଲା। ନିଆଁ ଲାଗିବାର ପ୍ରକୃତ କାରଣ ଜଣା ପଡିନଥିବା ବେଳେ ସଟସର୍କିଟରୁ ନିଆଁ ଲାଗିଥିବା ଅନୁମାନ କରାଯାଉଛି । ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ