ବୋତଲ ଭିତରେ ଚର୍ଚ୍ଚ, ସୂକ୍ଷ୍ମ କଳାକୃତିରେ ବଡଦିନର ଶୁଭେଚ୍ଛା ଜଣାଇଲେ ଶିଳ୍ପୀ

ଖୋର୍ଦ୍ଧା: ରାତି ପାହିଲେ ସାରା ବିଶ୍ୱ ପାଳନ କରିବ ବଡଦିନ । ମଧ୍ୟ ରାତିରେ ଜନ୍ମ ନେବେ ଖ୍ରୀଷ୍ଟ ଧର୍ମାବଲମ୍ବୀଙ୍କ ଈଶ୍ୱର ପ୍ରଭୁ ଯୀଶୁ । ଏଥିପାଇଁ ଚଳଚଞ୍ଚଳ  ଚର୍ଚ୍ଚ ଗୁଡିକ । ବଡ଼ଦିନ ପାଳନ ପାଇଁ କିଏ କେତେ ପ୍ରକାର ଯୋଜନା କରିଛି । କିଏ ଖ୍ରୀଷ୍ଟମାସ ଟ୍ରି ସଜାଉଛି ତ ଆଉ କିଏ ଘରେ କେକ ପ୍ରସ୍ତୁତ କରୁଛି । ସେପଚେ ବଜାରରେ ମଧ୍ୟ ସାଜସଜ୍ଜା ଉପକରଣ କିଣିବାକୁ ଲୋକଙ୍କ ଭିଡ ଜମୁଛି ।  ଖ୍ରୀଷ୍ଟମାସ ଅବସରରେ ଖୋର୍ଦ୍ଧା ଜିଲ୍ଲା ଜଟଣୀ ଅଞ୍ଚଳର ସୁକ୍ଷ୍ମ ଶିଳ୍ପୀ ଏଲ. ଈଶ୍ୱର ରାଓ ଚର୍ଚ୍ଚର ସୂକ୍ଷ୍ମ କଳାକୃତି କରି ଶୁଭେଚ୍ଛା ଜଣାଇଛନ୍ତି । 

ଈଶ୍ୱର ସବୁବର୍ଷ ପରି ଏ ବର୍ଷ ମଧ୍ୟ ଖ୍ରୀଷ୍ଟମାସକୁ ନେଇ ଏକ 750 ମିଲି ବୋତଲ ଭିତରେ 3 ଇଞ୍ଚ ଉଚ୍ଚତା ଓ ଅଢେଇ ଇଞ୍ଚ ଓସାରର ଏକ ଚର୍ଚ୍ଚ ପ୍ରସ୍ତୁତ କରିଛନ୍ତି । ଏହି ସୁକ୍ଷ୍ମ କଳାକୃତି କରିବା ପାଇଁ କାଗଜ ଆଉ ଚକ ଖଣ୍ଡ ବ୍ୟବହାର କରିଥିବା ଈଶ୍ୱର କହିଛନ୍ତି । ଏହି କାମ କରିବା ପାଇଁ ତାଙ୍କୁ 5 ଦିନ ସମୟ ଲାଗିଥିଲା ।  ସୂକ୍ଷ୍ମ କଳା ମାଧ୍ୟମରେ ସମସ୍ତଙ୍କୁ ବଡଦିନର ଶୁଭେଚ୍ଛା ଜଣାଇବା ସହ ପ୍ରଭୁ ଯୀଶୁ ସଂସାରରେ ଶାନ୍ତି, ସମୃଦ୍ଧି ଅଉ ଭାଇଚାରାର ପ୍ରତିଷ୍ଠା କରିବାକୁ ସେ ପ୍ରାର୍ଥନା କରିଛନ୍ତି ।
 

ଏହା ମଧ୍ୟ ପଢ଼ନ୍ତୁ...ସୂକ୍ଷ୍ମ କଳାକୃତିରେ ପ୍ରଧାନମନ୍ତ୍ରୀଙ୍କୁ ଶୁଭେଚ୍ଛା - Miniature Art ଏହା ମଧ୍ୟ ପଢ଼ନ୍ତୁ...ଭୋଟ ଦେବାକୁ ସୂକ୍ଷ୍ମ କଳାକୃତି ମାଧ୍ୟମରେ ଶିଳ୍ପୀଙ୍କ ନିବେଦନ - Voting Awareness

ଇଟିଭି ଭାରତ, ଖୋର୍ଦ୍ଧା