ହାଇଦ୍ରାବାଦ: ଖ୍ରୀଷ୍ଟମାସ ଅବସରରେ ରିଲିଜ ହେଲା ବରୁଣ ଧୱନଙ୍କ ଫିଲ୍ମ 'ବେବି ଜନ'। ବଲିଉଡ ସୁପରଷ୍ଟାର ସଲମାନ ଖାନ ଏହି ଫିଲ୍ମରେ କ୍ୟାମୋ ଭୂମିକାରେ ନଜର ଆସିଛନ୍ତି। ଏହି ଚଳଚ୍ଚିତ୍ର ଦର୍ଶକ ଏବଂ ସମାଲୋଚକଙ୍କ ଠାରୁ ମିଶ୍ରିତ ପ୍ରତିକ୍ରିୟା ପାଇଛି । ତେବେ ବକ୍ସ ଅଫିସରେ ଦୁଇ ଅଙ୍କ ବିଶିଷ୍ଟ ସଂଖ୍ୟା ସହ ଏହି ଫିଲ୍ମ ଓପନିଂ କରିଛି । ରିଲିଜ୍ ହେବାର ପ୍ରଥମ ଦିନରେ 'ବେବି ଜନ' କେତେ କୋଟି କଲେକ୍ସନ କରିଛି? ଜାଣନ୍ତୁ,
'ପୁଷ୍ପା ୨' ଏବଂ 'ମୁଫାସା' ସହିତ 'ବେବି ଜନ' ଟକ୍କର
ଖ୍ରୀଷ୍ଟମାସ ଛୁଟି ଯୋଗୁଁ 'ବେବି ଜନ' ରିଲିଜ ଦିନ ଲାଭ ପାଇଛି । ତେବେ 'ପୁଷ୍ପା ୨' ଏବଂ 'ମୁଫାସା' ଭଳି ଚଳଚ୍ଚିତ୍ର ଯୋଗୁଁ ଏହା ବକ୍ସ ଅଫିସରେ ସାମାନ୍ୟ ପ୍ରଭାବିତ ହୋଇଛି । ମାସ୍ ମୁଭି ଏବଂ ଛୁଟିଦିନ କାରଣରୁ 'ବେବି ଜନ' ବମ୍ପର କଲେକ୍ସନ କରିବ ବୋଲି ଆଶା କରାଯାଉଥିଲା, ହେଲେ ଫିଲ୍ମ ଆଶା ଅନୁଯାୟୀ ଫିଲ୍ମ ଓପନିଂ କରିପାରିନାହିଁ । କିନ୍ତୁ ଚଳଚ୍ଚିତ୍ରଟି ଦୁଇ ଅଙ୍କ ବିଶିଷ୍ଟ ବ୍ୟବସାୟ କରିବାରେ ସଫଳ ହୋଇଛି ।
'ବେବି ଜନ' କଲେକ୍ସନ
'ବେବି ଜନ୍'ର ଟ୍ରେଲର ଏବଂ ଟିଜର ପରେ ପ୍ରଶଂସକଙ୍କ ମଧ୍ୟରେ ଏହି ଫିଲ୍ମ ବିଷୟରେ ବହୁତ ଉତ୍ସାହିତ ଥିଲେ । ଏହି ଚଳଚ୍ଚିତ୍ରରେ ବରୁଣ ଧୱନ ଜବରଦସ୍ତ ଆକ୍ସନ କରୁଥିବା ନଜର ଆସିଛନ୍ତି । ସାକ୍ନିଲ୍କର ରିପୋର୍ଟ ଅନୁଯାୟୀ, 'ବେବି ଜନ୍' ରିଲିଜ୍ ହେବାର ପ୍ରଥମ ଦିନରେ ଭାରତରେ 12.50 କୋଟି ଟଙ୍କା ଆୟ କରିଛି । ବିଶ୍ୱରେ 39.96 କୋଟି ଆୟ କରିଛି ।
ବରୁଣଙ୍କ କ୍ୟାରିୟରର ସବୁଠାରୁ ବଡ ଓପନର ଫିଲ୍ମ
ଅବଶ୍ୟ, 'ବେବି ଜନ' ଓପନିଂ ଆଶା ଅନୁଯାୟୀ ନୁହେଁ କିନ୍ତୁ ଏହି ଚଳଚ୍ଚିତ୍ରଟି ଗତ ପାଞ୍ଚ ବର୍ଷ ମଧ୍ୟରେ ବରୁଣ ଧୱନଙ୍କ କ୍ୟାରିଅରର ସବୁଠାରୁ ବଡ ଓପନର ଫିଲ୍ମ ହୋଇପାରିଛି । ତାଙ୍କର 2019 ରିଲିଜ୍ କଲଙ୍କ, ଯାହା ଆଲିଆ ଭଟ୍ଟ, ମାଧୁରୀ ଦୀକ୍ଷିତ, ସଞ୍ଜୟ ଦତ୍ତ, ଆଦିତ୍ୟ ରୟ କପୁର ଏବଂ ସୋନାକ୍ଷୀ ସିହ୍ନାଙ୍କ ସହ ମଲ୍ଟି ଷ୍ଟାରର୍ ଭାବରେ 2019 ରେ ରିଲିଜ ହୋଇଥିଲା । ଏହାର ପ୍ରଥମ ଦିନରେ 21.60 କୋଟି ଟଙ୍କା ଆୟ କରିଥିଲା । ବରୁଣଙ୍କ ଶେଷ କିଛି ନାଟ୍ୟ ରିଲିଜ୍ ଷ୍ଟ୍ରିଟ୍ ଡାନ୍ସର୍ 3D (2020), ଯୁଗ ଯୁଗ ଜିଓ (2022), ଏବଂ ଭେଡିଆ (2022) ଦୁଇ ଅଙ୍କ ବିଶିଷ୍ଟ ଆୟ କରିବାରେ ମଧ୍ୟ ବିଫଳ ହୋଇଥିଲା । ତେବେ ଖ୍ରୀଷ୍ଟମାସ ଠାରୁ ନୂଆ ବର୍ଷ ପର୍ଯ୍ୟନ୍ତ ଉତ୍ସବର ଋତୁ ଆରମ୍ଭ ହୋଇଥିବା ବେଳେ ଫିଲ୍ମ ଆଗାମୀ ଦିନରେ ବେଶ ରୋଜଗାର କରିବ ବୋଲି ଆଶା କରାଯାଉଛି ।
ଏହା ମଧ୍ୟ ପଢନ୍ତୁ: ବିବାହ ପରେ ପ୍ରଥମଥର ନଜର ଆସିଲେ କୀର୍ତ୍ତି ସୁରେଶ, ମଙ୍ଗଳସୂତ୍ର ଲୁକ୍ ଦେଖି ଫିଦା ଫ୍ୟାନ୍ସ
କହିରଖୁଛୁ କି, 'ବେବି ଜନ' ଆଟଲେଙ୍କ ଫିଲ୍ମ 'ଥେରିର' ରିମେକ୍, ଯାହା 2016 ରେ ମୁକ୍ତିଲାଭ କରିଥିଲା ଯେଉଁଥିରେ ଥାଲାପତି ବିଜୟ ଏବଂ ସାମନ୍ଥା ମୁଖ୍ୟ ଭୂମିକାରେ ଅଭିନୟ କରିଥିଲେ । 'ବେବି ଜନ' ଲେଖିଛନ୍ତି ଏବଂ ନିର୍ଦ୍ଦେଶନା ଦେଇଛନ୍ତି କାଲିଶ । ଏହି ଚଳଚ୍ଚିତ୍ରରେ ବରୁଣଙ୍କ ସହ କିର୍ତ୍ତୀ ସୁରେଶ, ଭାମିକା ଗାବି, ଜ୍ୟାକି ଶ୍ରଫ ଏବଂ ରାଜପାଲ ଯାଦବ ମଧ୍ୟ ନଜର ଆସିଛନ୍ତି । କିର୍ତ୍ତୀ ସୁରେଶ ଏହି ଚଳଚ୍ଚିତ୍ର ସହ ବଲିଉଡରେ ଡେବ୍ୟୁ କରିଛନ୍ତି ଏବଂ ସେ ପ୍ରଥମ ଥର ପାଇଁ ବରୁଣଙ୍କ ସହ ସ୍କ୍ରିନ ସେୟାର କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
