ବାପ ପୁଅଙ୍କୁ ମାଡ଼ ଘଟଣା: ମୁଖ୍ୟ ଅଭିଯୁକ୍ତର ଭିଡ଼ିଓ ଭାଇରାଲ

ଖୋର୍ଦ୍ଧା: ମାନବବାଦ ସଙ୍ଗଠନରେ ସାମିଲ ନ ହେବାରୁ ଜିଲ୍ଲାର କଡ଼ବ ଗାଁର ମାଗୁଣୀ ନାୟକ ଓ ତାଙ୍କ ପୁଅକୁ ମାଡ଼ ମାରିବା ଭିଡ଼ିଓ ଭାଇରାଲ ହୋଇଥିଲା । ଏହି ଘଟଣାରେ ସଙ୍ଗଠନର ମୁଖ୍ୟ ମାନସ ଦାସ ସମ୍ପୃକ୍ତି ଥିବା ପରିବାର ଅଭିଯୋଗ କରି ତାଙ୍କୁ ଗିରଫ ପାଇଁ ଦାବି କରିଛନ୍ତି । ଏହାରି ମଧ୍ୟରେ ଭାଇରାଲ ହେବାରେ ଲାଗିଛି ମାନସ ଦାସଙ୍କ ଏକ ଭିଡ଼ିଓ । ଯେଉଁଥିରେ ତାଙ୍କୁ ରାଷ୍ଟ୍ରୀୟ ସାମାଜିକ ନ୍ୟାୟ ମଞ୍ଚ ପକ୍ଷରୁ ଭବ୍ୟ ସ୍ବାଗତ କରାଯାଉଛି । ସେ ଏକ ବିରାଟ ରାଲିରେ ଆସୁଥିବା ଦେଖିବାକୁ ମିଳିଛି । ମାନସ ଧଳା ରଙ୍ଗର ପୋଷାକ ପରିଧାନ କରିଥିବା ବେଳେ ତାଙ୍କ ଚାଲିବା ବାଟରେ ପୁଷ୍ପ ବିଛା ଯାଉଥିବା ମଧ୍ୟ ଦେଖିବାକୁ ମିଳିଛି । ବାପ-ପୁଅଙ୍କୁ ମାଡ଼ ମାରିବାର ଭିଡ଼ିଓ ଭାଇରାଲ ହେବା ପରେ ବର୍ତ୍ତମାନ ମାନସଙ୍କ ଏହି ଭିଡ଼ିଓ ମଧ୍ୟ ଭାଇରାଲ ହେବାରେ ଲାଗିଛି । ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ