World Cup 2023: ଆଜି ଭାରତ ବନାମ ବାଂଲାଦେଶ ମୁକାବିଲା, ମ୍ୟାଚକୁ ନେଇ ଉତ୍ସାହୀ କ୍ରୀଡ଼ାପ୍ରେମୀ

ରାଉରକେଲା: ଆଜି ବିଶ୍ବକପର ଚତୁର୍ଥ ମ୍ୟାଚ ଖେଳିବ ଭାରତ। ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମରେ ମୁହାଁମୁହିଁ ହେବେ ଭାରତ ଓ ବାଂଲାଦେଶ। ଲାଗାତାର ତିନୋଟି ମ୍ୟାଚରେ ହ୍ୟାଟ୍ରିକ ବିଜୟ ହାସଲ କରିଥିବା ଭାରତ ଆଜି ଚତୁର୍ଥ ମ୍ୟାଚରେ ବିଜୟୀ ହେବା ଲକ୍ଷ୍ୟରେ ରହିଛି। ଆଜିର ମ୍ୟାଚକୁ ନେଇ ଦର୍ଶକ ଏବଂ କ୍ରିକେଟ ପ୍ରେମୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଆଜି ମଧ୍ୟ ଭାରତର ପ୍ରଦର୍ଶନ ଭଲ ରହିବ ବୋଲି ସମସ୍ତଙ୍କ ଆଶା। ବିରାଟ କୋହଲି, ରୋହିତ ଶର୍ମା ଓ କେଏଲ ରାହୁଲ ଓ ଶ୍ରେୟାସ ଆୟର ଆଜି ଭଲ ଖେଳିବା ନେଇ କ୍ରୀଡାପ୍ରେମୀ ଆଶା ରଖିଛନ୍ତି। ଚଳିତ ବିଶ୍ବକପରେ ଭାରତ ତିନୋଟି ମ୍ୟାଚ ଖେଳି ସମସ୍ତ ମ୍ୟାଚରେ ବିଜୟ ହାସଲ କରିଥିବା ବେଳେ ବାଂଲାଦେଶ ତିନୋଟି ମ୍ୟାଚରୁ ଗୋଟିଏ ମ୍ୟାଚରେ ବିଜୟ ହାସଲ କରିଛି । ବିଶ୍ବକପ ଇତିହାସରେ ଦୁଇ ଦଳ 4 ଥର ପରସ୍ପରକୁ ଭେଟିଛନ୍ତି। ଭାରତ ତିନୋଟିରେ ବିଜୟୀ ହୋଇଥିବା ବେଳେ ବାଂଲାଦେଶ ଗୋଟିଏରେ ବିଜୟୀ ହୋଇଛି । ଆଜିର ମ୍ୟାଚ୍‌କୁ ନେଇ କ୍ରିକେଟ ପ୍ରେମୀଙ୍କ ସହ ଅଧିକ ଆଲୋଚନା କରିଛନ୍ତି ଆମ ରାଉରକେଲା ସମ୍ବାଦଦାତା ସ୍ମୃତି ରଞ୍ଜନ ବେହେରା । 

ଇଟିଭି ଭାରତ, ରାଉରକେଲା