କୃଷି ଜାଗରଣ ମେଳା ଉଦଘାଟନ କଲେ କେନ୍ଦ୍ରମନ୍ତ୍ରୀ, ସମ୍ମାନିତ ହେବେ ସଫଳ ଚାଷୀ

ବାଲେଶ୍ବର: ଉଦଘାଟିତ ହେଲା କୃଷି ଜାଗରଣ ମେଳା । ତିନି ଦିନିଆ ମେଳାକୁ ଉଦଘାଟନ କଲେ କେନ୍ଦ୍ରମତ୍ସ୍ୟ ପଶୁ ପାଳନ ମନ୍ତ୍ରୀ ପରଷୋତ୍ତମ ରୁପାଲା । ତେବେ ଏହି ମେଳା ବାଲେଶ୍ବର ଜିଲ୍ଲା କୁରୁଡା ପଡ଼ିଆରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଶହଶହ କୃଷକ, ଗୋପାଳକ, ମତ୍ସ୍ୟ ଚାଷୀ, ମତ୍ସ୍ୟ ଶିଳ୍ପୋଦ୍ୟୋଗୀ, କୃଷି ଯନ୍ତ୍ରପାତି ଓ ନିର୍ମାତା, ଖାଦ୍ୟ ପ୍ରକ୍ରିୟାକରଣ ଉଦ୍ଦ୍ୟୋଗୀ, କୃଷି ବୈଜ୍ଞାନିକ, ମହିଳା ସ୍ୱୟଂ ସହାୟକ ଗୋଷ୍ଠୀର କାର୍ଯ୍ୟକର୍ତ୍ତା ଯୋଗଦେଇଥିଲେ । 

ତେବେ ଚାଷୀମାନଙ୍କୁ ଚାଷ, ସଂରକ୍ଷଣ, ପ୍ରକ୍ରିୟାକରଣ, ବଜାର ପରିଚାଳନା, ସବସିଡି ଓ ଅନ୍ୟାନ୍ୟ ବୈଷୟିକ ପ୍ରଶିକ୍ଷଣ ପ୍ରଦାନ କରାଯିବ । ଏହି କାର୍ଯ୍ୟକ୍ରମରେ ଆଜି ପ୍ରଥମ ଦିନରେ ଭାରତ ସରକାରଙ୍କର ମତ୍ସ୍ୟ, ପଶୁପାଳନ ଓ ଗୋପାଳନ ବିଭାଗର ମନ୍ତ୍ରୀ ପୁରୁଷୋତ୍ତମ ରୂପାଲାଙ୍କ ସମେତ ବାଲେଶ୍ଵର ସାଂସଦ ପ୍ରତାପ ଚନ୍ଦ୍ର ଷଡ଼ଙ୍ଗୀ ଉପସ୍ଥିତ ଥିଲେ । ରାଜ୍ୟ ଓ କେନ୍ଦ୍ର ସରକାରଙ୍କର ଅନ୍ୟାନ୍ୟ ଅଧିକାରୀ ମାନେ ଉପସ୍ଥିତ ରହି କୃଷକମାନଙ୍କୁ ମାର୍ଗଦର୍ଶନ କରିଛନ୍ତି । ରାଜ୍ୟର ପାଞ୍ଚଶହ ସଫଳ ଚାଷୀମାନଙ୍କୁ ଏଠାରେ ତିନିଦିନରେ ସମ୍ମାନିତ କରାଯିବ ବୋଲି ଜଣାପଡିଛି । 

ଇଟିଭି ଭାରତ, ବାଲେଶ୍ବର