RathaJatra2023: ଜଗତଗୁରୁଙ୍କ ଆଶିର୍ବାଦ ନେଲେ କେନ୍ଦ୍ରମନ୍ତ୍ରୀ

ପୁରୀ: ଘୋଷଯାତ୍ରା କରୁଛନ୍ତି ମହାପ୍ରଭୁ।  ଭାଇ ଉଭଣୀଙ୍କୁ ସାଙ୍ଗରେ ନେଇ  ଯିବେ ମାଉସୀ ଘର। ଜନ୍ମବେଦୀରେ କରିବେ ଲୀଳାଖେଳା। ବଡଦାଣ୍ଡରେ ଭକ୍ତଙ୍କ ସହ  ହେବେ ଏକାକାର। ଶ୍ରୀଜୀଉଙ୍କ ଘୋଷଯାତ୍ରା ପାଇଁ ପୁରୀରେ ଭକ୍ତଙ୍କ ଲାଗିଛି ଭିଡ। ଦାରୁବ୍ରହ୍ମଙ୍କ ଘୋଷଯାତ୍ରାରେ ସାମିଲ ହେବା ପାଇଁ ପୁରୀରେ ପହଞ୍ଚିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଅଶ୍ବିନୀ ବୈଷ୍ଣବ ଓ ଦର୍ଶନା ଜରଦୋଶ। ଏହି ଅବସରରେ ୩ କେନ୍ଦ୍ରମନ୍ତ୍ରୀ  ଗୋବର୍ଦ୍ଧନ ମଠକୁ ଯାଇ ଜଗତଗୁରୁ ଶଙ୍କରାଚାର୍ଯ୍ୟଙ୍କୁ ଦର୍ଶନ କରିଛନ୍ତି। ଦର୍ଶନ କରିବା ସହ ଜଗତଗୁରୁଙ୍କ ସହ ଆଲୋଚନା କରିଛନ୍ତି  । ରଥଯାତ୍ରା ପାଇଁ ଶ୍ରୀକ୍ଷେତ୍ର ପୁରୀରେ ଲକ୍ଷ ଳକ୍ଷ ଭକ୍ତଙ୍କ ଭିଡ ଲାଗିଥିବା ବେଳେ, ବହୁ ବିଶିଷ୍ଟ ବ୍ୟକ୍ତି ମଧ୍ୟ ବଡଦାଣ୍ଡରେ ଶ୍ରୀଜୀଉଙ୍କ ଦର୍ଶନ ପାଇଁ ପୁରୀକୁ ପହଞ୍ଚିଛନ୍ତି  । ପୋଲିସ  ପ୍ରଶାସନ ରଥଯାତ୍ରାକୁ ଶାନ୍ତି ଶୃଙ୍ଖଳାର ସହ  ପରିଚାଳନା କରିବା ପାଇଁ ବ୍ୟାପକ ପଦକ୍ଷେପ  ଗ୍ରହଣ କରିଛନ୍ତି। ମୋଟ ୧୬୦ ପ୍ଲାଟୁନ ପୋଲିସ ଫୋର୍ସ ସହିତ, କୋଷ୍ଟଗାର୍ଡ,  ନୌସେନା କେନ୍ଦ୍ରୀୟ ଫୋର୍ସ ମୁତୟନ  ହୋଇଛନ୍ତି  ।