ଯୁଦ୍ଧ ବିଭୀଷିକା ଭିତରେ ବରଫରେ ନାଚିଲେ ୟୁକ୍ରେନ ମହିଳା ଯବାନ, ଚାରିଆଡୁ ଛୁଟିଲା ପ୍ରଶଂସା

ହାଇଦ୍ରାବାଦ: ଥମିବାର ନାଁ ଧରୁନାହିଁ ରୁଷ ୟୁକ୍ରେନ୍ ଯୁଦ୍ଧ । ଏହା ସହିତ ୟୁକ୍ରେନରେ ଖାଦ୍ୟ ଓ ଶକ୍ତି ସଙ୍କଟ ଦେଖାଦେଇଥିବା ବେଳେ ୟୁକ୍ରେନ ସେନା ହାର୍ ମାନି ନାହାନ୍ତି । ଦେଶକୁ ସୁରକ୍ଷା ଦେବା ଲକ୍ଷ୍ୟରେ ଶେଷ ନିଶ୍ବାସ ପର୍ଯ୍ୟନ୍ତ ଲଢେଇ ଜାରି ରଖିଛନ୍ତି । ଏଭଳି ଘଡି ସନ୍ଧି ମୁହୂର୍ତ୍ତରେ ୟୁକ୍ରେନ ସେନା ନିଜର ନୃତ୍ୟ ପରିବେଷଣ କରି ଦେଶ ପ୍ରତି ଭଲପାଇବାକୁ ଦର୍ଶାଇଛନ୍ତି । ମହିଳା ସେନା ଯବାନ ଜଣଙ୍କ ନାଚୁଥିବା ସମୟରେ ଆଖପାଖ ଅଞ୍ଚଳରେ ଗୁଳି ଫୁଟିବାର ଶବ୍ଦ ମଧ୍ୟ ଶୁଣାଯାଉଥିଲା । ନିଜ ଦେଶକୁ ସୁରକ୍ଷା ଦେବା ସହିତ ନିଜ କର୍ତ୍ତବ୍ୟକୁ ଉପଭୋଗ କରି ନୃତ୍ୟ ପରିବେଷଣ କରିଛନ୍ତି ୟୁକ୍ରେନ୍ ମହିଳା ଯବାନ ଜଣଙ୍କ ।