ଢେଙ୍କାନାଳ ଏଟିଏମ ଲୁଟ ଘଟଣା , ୪ ଜଣ ଆନ୍ତଃରାଜ୍ୟ ଡକାୟତ ଗିରଫ

ଢେଙ୍କାନାଳ: ପଞ୍ଚୁପଟି ସ୍ଥିତ ଏସବିଆଇ ଏଟିଏମ ଲୁଟ ଘଟଣାର ପର୍ଦ୍ଦାଫାସ । ୪ ଆନ୍ତଃରାଜ୍ୟ ଡକାୟତ ଗିରଫ । ସେମାନଙ୍କଠାରୁ ୮ ଲକ୍ଷ ୨୭ହଜାର ଟଙ୍କା ଓ ଲୁଟରେ ବ୍ୟହୃତ କାର-ଟ୍ରକ ଜବତ କରିଛି ପୋଲିସ ।ଏନେଇ ଏକ ସମ୍ବାଦିକ ସମ୍ମିଳନୀରେ ସୂଚନା ଦେଇଛି ଢେଙ୍କାନାଳ ପୋଲିସ । 

ଢେଙ୍କାନାଳ ଏସପି ଅଭିନବ ସୋନକର କହିଛନ୍ତି,"ଗତ ୮ ତାରିଖ ବିଳମ୍ବିତ ରାତିରେ ଢେଙ୍କାନାଳ ସଦରଥାନା ପଞ୍ଚୁପଟି ସ୍ଥିତ ଏସବିଆଇ ଏଟିଏମରୁ ମୋଟ ୮ଲକ୍ଷ ୯୬ ହଜାର ଟଙ୍କା ଲୁଟ୍ ହୋଇଥିଲା । ପୋଲିସ ଲୁଟେରାମାନଙ୍କୁ ବରଗଡ଼ ସୋହେଲା ନିକଟରେ କାବୁ କରିଥିଲା । ଗିରଫ ଅଭିଯୁକ୍ତମାନେ ହେଲେ ରାଜସ୍ଥାନର ଅସଲାମ ମହମ୍ମଦ ,ମହମ୍ମଦ ନାସିର ,ହରିୟାଣା ଅଞ୍ଚଳର ରଫିକ ଖାନ ଓ ସଦ୍ଦାମ ହୁସେନ ବୋଲି ଜଣାପଡ଼ିଛି । ସେପଟେ ଏହି ଗ୍ୟାଙ୍ଗ ନାଁରେ ପୂର୍ବରୁ ଢେଙ୍କାନାଳ ସମେତ କେନ୍ଦୁଝର ଓ ସମ୍ବଲପୁର ଜିଲ୍ଲାରେ ମଧ୍ୟ ଏକାଧିକ ଅପରାଧୀକ ମାମଲା ରହିଛି ।"

ଇଟିଭି ଭାରତ, ଢେଙ୍କାନାଳ