ଲୁଗା ଦୋକାନରେ ନିଆଁ, ୬୦ ଲକ୍ଷରୁ ଉର୍ଦ୍ଧ୍ବ ସମ୍ପତ୍ତି ଧୂଳିସାତ

ରାୟଗଡ଼ା: ଲୁଗା ଦୋକାନରେ ଭୟଙ୍କର ଅଗ୍ନିକାଣ୍ଡ । ନିମିଷକେ ଜଳିଗଲା ଲକ୍ଷ ଲକ୍ଷ ଟଙ୍କାର ସମ୍ପତ୍ତି । ରାୟଗଡା ସହରର ବାଲାଜୀ ମନ୍ଦିର ସମ୍ମୁଖରେ ଥିବା 3 ମହଲା ବିଶିଷ୍ଟ ଏସକେ ସପିଂ ମଲରେ ଅଗ୍ନିକାଣ୍ଡ ଘଟିଛି । ଫଳରେ ପ୍ରାୟ 60 ଲକ୍ଷରୁ ଊର୍ଦ୍ଧ୍ବ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇ ଯାଇଥିବା ଦେଖିବାକୁ ମିଳିଛି ।

ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ଭୋର ପ୍ରାୟ 4ଟା ସମୟରେ କୌଣସି କାରଣ ବଶତଃ ଧୀରେ ଧୀରେ ନିଆଁ ବ୍ୟାପି ସକାଳ 5ଟା ସମୟରେ ନିଆଁ ଓ ଧୂଆଁ ବାହାରକୁ ଜଣାପଡିଥିଲା । ଏନେଇ ଦମକଳ ବାହିନୀକୁ ଜଣାଯାଇଥିଲା। ଖବର ପାଇ ଆଗ୍ନିଶମ ବାହିନୀ ଘଟଣାସ୍ଥଲେର ପହଞ୍ଚି ତୁରନ୍ତ ନିଆଁ ଲିଭାଇବା ପାଇଁ ଚେଷ୍ଟା ଚଳାଇଥିଲେ । ତେବେ ତଳ ମହଲାରେ ସବୁ ଲୁଗା ଓ ସୋ' କେଶ ଓ ଆସବାବପତ୍ର ପୋଡି ପାଉଁଶ ହୋଇଯାଇଛି । ଫଳରେ ପାଖାପାଖି 40 ଲକ୍ଷରୁ ଅଦିକ ଟଙ୍କାର ଲୁଗା ପୋଡ଼ି ନଷ୍ଟ ହୋଇଯାଇଛି । ସେପଟେ ଦମକଳ ବାହିନୀ ନିଆଁ ଲିଭାଇବାରେ ତତ୍ପରତା ଦେଖାଇବା ଯୋଗୁଁ ନିଆଁ ଉପର ମହଲାକୁ ବ୍ୟାପି ନଥିଲା । 

ଏହା ମଧ୍ୟ ପଢ଼ନ୍ତୁ...ନିମିଷକେ ଗ୍ରାସ କରିଦେଲା ନିଆଁ, ଛାରଖାର ୧୨ ପରିବାରର ଘର

ଏହା ମଧ୍ୟ ପଢ଼ନ୍ତୁ...ବ୍ରହ୍ମପୁର MKCG ମେଡିକାଲରେ ଅଗ୍ନିକାଣ୍ଡ

ଇଟିଭି ଭାରତ, ରାୟଗଡ଼ା