କଟକରେ କାଳ ବୈଶାଖୀ ତାଣ୍ଡବ, ବିଦ୍ୟୁତ ସେବା ବାଧାପ୍ରାପ୍ତ

କଟକ: କଟକରେ କାଳବୈଶାଖୀର ତାଣ୍ଡଵ। କାଳବୈଶାଖୀ ପ୍ରଭାବରେ ଆଜି ସଂଧ୍ୟା ଛଅଟା ବେଳୁ ପ୍ରବଳ ବେଗରେ ପବନ ବହିବା ସହ ବର୍ଷା ଆରମ୍ଭ ହୋଇଥିଲା। ପ୍ରାୟ ଚାଳିଶ ମିନିଟ୍ ଧରି ପ୍ରବଳ ବର୍ଷା, ପବନ ଯୋଗୁଁ ସହରରେ ସାଧାରଣ ଜୀବନଯାତ୍ରା ବ୍ୟାହିତ ହୋଇଛି । ପବନର ବେଗ ଏତେ ପରିମାଣରେ ଥିଲା ଯେ ରାସ୍ତା କଡର ଥିବା ଗଛଗୁଡ଼ିକ ଭାଙ୍ଗି ରାସ୍ତାବନ୍ଦ ହୋଇଛି ।  ଗଛ ଭାଙ୍ଗିବା ଯୋଗୁଁ ଓ ବିଦ୍ୟୁତ ତାର ଛିଣ୍ଡି ବିଭିନ୍ନ ସ୍ଥାନରେ ବିଦ୍ୟୁତ ସେବା ବାଧାପ୍ରାପ୍ତ ହୋଇଥିଲା ।  ମୁଖ୍ୟ ରାସ୍ତାରେ ଯାତାୟତରେ ସମସ୍ୟା ଉତ୍ପନ ହୋଇଥିଲା । କଟକର ବାଦାମବାଡ଼ି, ଖାନ ନଗର, ପୁରୀ ଘାଟ, ସତି ଚଉରା, ଶିଶୁ ଭବନ ଛକ, ବିଡାନାସୀର ଅଞ୍ଚଳରେ ଗଛ ପଡ଼ି ସାଧାରଣ ଜୀବନ ବ୍ୟାହାତ ହୋଇଛି  ।  । ଫଳରେ ଅନେକ ଲୋକଙ୍କ ଘର କ୍ଷତିଗ୍ରସ୍ତ ହେବା ସହ ଲୋକେ ଆହତ ହୋଇଥିବା ସୂଚନା ରହିଛି । 

ଇଟିଭି ଭାରତ, କଟକ