ଆଦିବାସୀ ମହିଳାଙ୍କ ସହ ନାଚିଲେ ଜିଲ୍ଲାପାଳ

ସୁବର୍ଣ୍ଣପୁର: ଆଦିବାସୀ ନୃତ୍ୟର ତାଳେତାଳେ ଝୁମିଲେ ଜିଲ୍ଲାପାଳ । ସୁବର୍ଣ୍ଣପୁର ହେଲା ହକିପୁର କ୍ୟାମ୍ପେନରେ ଜିଲ୍ଲାପାଳ ଅବୋଲି ସୁନୀଲ ନରବନେ ଯୋଗ ଦେଇ ଆଦିବାସୀ ନୃତ୍ୟ କଳାକାରଙ୍କ ସହ ନାଚୁଥିବା ଦେଖିବାକୁ ମିଳିଛି । ଆଦିବାସୀଙ୍କ ପାରମ୍ପରିକ ବାଦ୍ୟର ତାଳେତାଳେ ନୃତ୍ୟାଙ୍ଗନାଙ୍କ ପାଦରେ ପାଦ ମିଶାଇ ବେଶ କିଛି ସମୟ ନୃତ୍ୟ ଗୀତରେ ସାମିଲ ହୋଇଥିଲେ । ଭୁବନେଶ୍ବର ଓ ରାଉରକେଲାଠାରେ ଦ୍ଵିତୀୟ ଥର ପାଇଁ ଆୟୋଜିତ ହେଉଥିବା ପୁରୁଷ ହକି ବିଶ୍ୱକପ ପାଇଁ ପ୍ରଶାସନ ପକ୍ଷରୁ ବ୍ୟାପକ କାର୍ଯ୍ୟକ୍ରମ ହାତକୁ ନିଆଯାଇଛି । ଜିଲ୍ଲାର ସମସ୍ତ 109 ଗୋଟି ଗ୍ରାମ ପଞ୍ଚାୟତରେ ହକି ଖେଳାଳି ଓ ଖେଳପ୍ରେମୀଙ୍କୁ ଏହି ଜାତୀୟ ଖେଳ ପ୍ରତି ଆକୃଷ୍ଟ କରି ହକି ବିଶ୍ୱକପକୁ ସମର୍ଥନ ଓ ସହଯୋଗ କରିବା ପାଇଁ ଜନସାଧାରଣଙ୍କ ମଧ୍ୟରେ ସଚେତନତା ସୃଷ୍ଟି କରାଯାଇଛି । ଇଟିଭି ଭାରତ, ସୁବର୍ଣ୍ଣପୁର