ବିଶାଖାପାଟନମ ମାଛଧରା ବନ୍ଦରରେ ଅଗ୍ନିକାଣ୍ଡ, ଜଳିଗଲା 40 ଡଙ୍ଗା

ଅମରାବତୀ: ବିଶାଖାପାଟନମରେ ଭୟାବହ ଅଗ୍ନିକାଣ୍ଡ। ମାଛଧରା ବନ୍ଦରରେ ଅଗ୍ନିକାଣ୍ଡ ଘଟି ଜଳିଗଲା 40ଟି ଡଙ୍ଗା । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ କରିଛି ।  ବିଳମ୍ବିତ ରାତିରେ ନିଆଁ ଲାଗିଥିଲା । ପ୍ରଥମେ ଗୋଟିଏ ଡଙ୍ଗାରେ ଲାଗିବା ପରେ ଏହା 40ଟି ଡଙ୍ଗାକୁ ବ୍ୟାପି ଯାଇଥିଲା । କେଉଁ କାରଣରୁ ଡଙ୍ଗାରେ ନିଆଁ ଲାଗିଲା ତାହା ଅସ୍ପଷ୍ଟ ରହିଛି । ଏନେଇ ପୋଲିସ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି । କେହି ଅଜ୍ଞାନ୍ତ ବ୍ୟକ୍ତି ଜାଣିଶୁଣି ଡଙ୍ଗାରେ ନିଆଁ ଲଗାଇଦେଇଥିବା ସ୍ଥାନୀୟ ମତ୍ସ୍ୟଜୀବୀ ସନ୍ଦେହ କରୁଛନ୍ତି । ପୋଲିସ ଡେପୁଟି କମିଶନର ବିଶାଖାପାଟନମ୍ ଆନନ୍ଦ ରେଡ୍ଡୀ କହିଛନ୍ତି, "ବିଶାଖାପାଟନମ୍ ମାଛଧରା ବନ୍ଦରରେ ଗତ ରାତିରେ ଏକ ଡଙ୍ଗାରେ ନିଆଁ ଲାଗିଯାଇଥିଲା, ପରେ ପ୍ରାୟ 35ଟି ଫାଇବର ମେକାନାଇଜଡ୍ ଡଙ୍ଗାକୁ ଏହା ବ୍ୟାପି ଯାଇଥିଲା ।  ଏହି ଘଟଣାରେ କେହି ଆହତ କି ମୃତାହତ ହୋଇଥିବା ନେଇ ଖବର ହସ୍ତଗତ ହୋଇନାହିଁ ।