RathaYatra2023: ଶ୍ରୀଜୀଉଙ୍କୁ ଦର୍ଶନ କଲେ ରାଜ୍ୟ ମନ୍ତ୍ରୀ ମଣ୍ଡଳ ସଦସ୍ୟ

ପୁରୀ: ରଥାରୂଢ ତିନି ଠାକୁର  । ରଥ ଉପରେ ଛେରା ପହଁରା କରୁଛନ୍ତି ଗଜପତି ମହାରାଜ । ଜନସମୁଦ୍ର ପୁରୀ ବଡ଼ଦାଣ୍ଡ ।  ମହାପ୍ରଭୁଙ୍କ ଦର୍ଶନ ପାଇଁ ବଡ଼ଦାଣ୍ଡରେ ଲକ୍ଷ ଳକ୍ଷ ଭକ୍ତଙ୍କ ଭିଡ ଲାଗିଛି । ସାରା ବିଶ୍ବରୁ ଶ୍ରୀକ୍ଷେତ୍ର ପୁରୀକୁ ଛୁଟି ଆସିଛି ଭକ୍ତଙ୍କ ସୁଅ । ଏହି ଅବସରରେ ରାଜ୍ୟ ମନ୍ତ୍ରୀ ମଣ୍ଡଳର ସମସ୍ତ ସଦସ୍ୟ ପୁରୀ ଆସି ଭଗବାନଙ୍କ ଦର୍ଶନ କରିଛନ୍ତି । ମନ୍ତ୍ରୀ ନିରଞ୍ଜନ ପୂଜାରୀ, ଜଗନ୍ନାଥ ସାରକା, ଟୁକୁନି ସାହୁ, ପ୍ରମିଳା ମଲ୍ଲିକ, ଅଶୋକ ପଣ୍ଡା, ତୁଷାରକାନ୍ତି ବେହେରା ପ୍ରମୁଖ ଦାରୁବ୍ରହ୍ମଙ୍କୁ ଦର୍ଶନ କରୁଛନ୍ତି ।  ଏତତ ବ୍ୟତୀତ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଅଶ୍ବିନୀ ବୈଷ୍ଣବ, ସମ୍ବିତ ପାତ୍ର, ପିସିସି ସଭାପତି ଶରତ ପଟ୍ଟନାୟକ, ବରିଷ୍ଠ କଂଗ୍ରେସ ନେତା ମାନେ ମଧ୍ୟ ବଡ଼ଦାଣ୍ଡରେ ଉପସ୍ଥିତ ରହି ଶ୍ରୀଜୀଉଙ୍କୁ ଦର୍ଶନ କରୁଛନ୍ତି । ଏହି ଅବସରରେ ସମସ୍ତ ନେତା ମନ୍ତ୍ରୀ ରାଜ୍ୟବାସୀଙ୍କୁ ପବିତ୍ର ରଥଯାତ୍ରାର ଶୁଭେଚ୍ଛା ଜଣାଇଛନ୍ତି । ରାଜ୍ୟ ତଥା ଦେଶର ଉନ୍ନତି କାମନା କରିଛନ୍ତି  ।