WATCH: ବଡଦାଣ୍ଡରେ ଭକ୍ତଙ୍କ ଭକ୍ତି ଅର୍ଘ୍ୟ, ସଂକୀର୍ତ୍ତନରେ ପ୍ରକମ୍ପିତ ଶ୍ରୀକ୍ଷେତ୍ର

ପୁରୀ: ରଥ ପଥ ଜଗନ୍ନାଥ । ରଥ ପ୍ରସ୍ତୁତ... ପଥ ପ୍ରସ୍ତୁତ । ଶ୍ରୀଜୀଉଙ୍କ ଅପେକ୍ଷାରେ ସିଂହଦ୍ବାର ସମ୍ମୁଖରେ ତିନି ରଥ । ରାତି ପାହିଲେ ଭକ୍ତଜନଙ୍କ ପାଇଁ ରତ୍ନ ସିଂହାସନରୁ ଓହ୍ଲାଇ ଆସିବେ ଦାରୁବ୍ରହ୍ମ । ବଡଦାଣ୍ଡରେ କରିବେ ଘୋଷଯାତ୍ରା । ଦାରୁବ୍ରହ୍ମଙ୍କ ଘୋଷଯାତ୍ରା ପାଇଁ ଶ୍ରୀକ୍ଷେତ୍ର ବଡଦାଣ୍ଡରେ ଭକ୍ତଙ୍କ ଭିଡ । କିଏ ସଂକିର୍ତ୍ତନ କରିବାର ମଗ୍ନତ... କିଏ ଜଣାଣ ଗାଇ ପ୍ରଭୁଙ୍କୁ କରୁଛି ସ୍ମରଣ। ପୁଣି କିଏ ନୃତ୍ୟରେ କାଳିଆ ଠାକୁରଙ୍କୁ କରୁଛି ଗୁହାରୀ । ଯାହାକୁ ନେଇ ଏବେ ପୁରା ଶ୍ରୀକ୍ଷେତ୍ରରେ ଭକ୍ତିମୟ ପରିବେଶ । ଭଗବାନଙ୍କ ଟିକିଏ ଦର୍ଶନ ପାଇବାକୁ ଠାରୁ ବଡଦାଣ୍ଡରେ ଭିଡ ଲଗାଇଲେଣି ଭକ୍ତ । ରଥଖଳାରୁ ସିଂହଦ୍ବାରା ପର୍ଯ୍ୟନ୍ତ ତିନି ରଥ ଟାଣିନେବା ବେଳେ... ଘଣ୍ଟ, କାହାଳୀ ବାଜିବା ସହ ହରିବୋଲ ହୁଳହୁଳିରେ ବଡଦାଣ୍ଡରେ ଝରିଥିଲା ଭକ୍ତିର ଅର୍ଘ୍ୟ । ଏଥିସହ ଜୟ ଜଗନ୍ନାଥ ଧ୍ବନିରେ ପ୍ରକମ୍ପିତ ହୋଇଥିଲା ପରିବେଶ ।