ଭୁବନେଶ୍ୱର ଖୋଲିଲା ପ୍ରଥମ 4K ଲେଜର ପ୍ରୋଜେକସନ ସିନେମା ହଲ

ଭୁବନେଶ୍ବର: ସିନେ ପ୍ରେମୀଙ୍କ ପାଇଁ ଖୁସି ଖବର । ଭୁବନେଶ୍ବର କଳ୍ପନା ସ୍ଥିତ ଉତ୍କଳ କନିକା ଗ୍ୟାଲେରିଆ ମଲରେ ବହୁ ପ୍ରତୀକ୍ଷିତ ଅତ୍ୟାଧୁନିକ ପିଭିଆର ସିନେମା ଶୁଭାରମ୍ଭ ହୋଇଛି । ରବିବାରଠୁ ଏହି ପିଭିଆର ଚାଲିଥିବା ବେଳେ ଆଜି ବିଧିବଦ୍ଧ ଆରମ୍ଭ ହୋଇଛି । ଯେଉଁଠାରେ 4K ଲେଜର ପ୍ରୋଜେକସନ ସିଷ୍ଟମ୍ ଅଛି । ଏହା ରାଜ୍ୟର ପ୍ରଥମ 4K ଲେଜର ପ୍ରୋଜେକସନ ସିନେମା ହଲ୍‌ । ଯାହା ଭୁବନେଶ୍ୱରରେ ଖୋଲିଥିବା ବେଳେ ଅନନ୍ୟ ଭିଜୁଆଲ୍ ସ୍ୱଚ୍ଛତା ପ୍ରଦାନ କରିବ । ଉତ୍କଳ କନିକା ଗ୍ୟାଲେରିଆରେ ପିଭିଆର ସିନେମା କେବଳ ଚଳଚ୍ଚିତ୍ର ଦେଖିବାର ସ୍ଥାନ ନୁହେଁ ବରଂ ଏଠାରେ ଦର୍ଶକଙ୍କୁ କିଛି କ୍ଷଣ ଗୋଟେ ସ୍ଥାନରେ ବାନ୍ଧି ରଖିବା ସହ ନୂଆ ଅନୁଭବ ଦେବ ।

ଏଠାରେ ୪ଟି ସ୍କ୍ରିନ୍ ସହ ୬୮୨ ଜଣ ଦର୍ଶକ ସିନେମା ଦେଖିବାର ବ୍ୟବସ୍ଥା କରାଯାଇଛି । ଏହା ସହ ୭.୧ ଡଲବି ସାଉଣ୍ଡ୍‌, ନେକଷ୍ଟ ଜେନ୍ 3D ଅନୁଭବ ସହ ଉକୃଷ୍ଟମାନର ଖାଦ୍ୟ ଏବଂ ସେଲିବ୍ରିଟି ରିକ୍ଲାଇନର୍ସ ରହିଛି । ଏହି ଅବସରରେ ଉତ୍କଳ ବିଲର୍ଡସର ପରିଚାଳନା ନିର୍ଦ୍ଦେଶକ ଶରଦ ବୈଦ କହିଛନ୍ତି ଯେ, ଏହି ଯାତ୍ରାର ଅଂଶ ହୋଇଥିବା ସମସ୍ତଙ୍କୁ ଆମେ ଆମର ହୃଦୟରୁ କୃତଜ୍ଞତା ଜଣାଉଛି । ଆମେ ସିନେମାର କେବଳ କବାଟ ଖୋଲୁ ନାହୁଁ ବରଂ ଆମେ ସିନେମାଟିକ୍ ଉତ୍କର୍ଷର ଏକ ନୂତନ ଯୁଗର ଉନ୍ମୋଚନ କରୁଛୁ । ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଅତ୍ୟାଧୁନିକ ଜ୍ଞାନକୌଶଳ ପ୍ରଦର୍ଶନ କରି ଦର୍ଶକଙ୍କୁ ଏହି ନୂଆ ଅନୁଭୂତି ଭେଟି ଦେଇଛୁ  ।

ଏହା ମଧ୍ୟ ପଢ଼ନ୍ତୁ......ବିବାହ କରିବେ ତମନ୍ନା ବ୍ୟାସ, ଜାନୁଆରୀରେ ପଡିପାରେ ହାତଗଣ୍ଠି

ଇଟିଭି ଭାରତ, ଭୁବନେଶ୍ବର