ମହାମହିମଙ୍କୁ ଭେଟିବେ ପିଲାଦିନର ସାଙ୍ଗ ଗୌରୀ

ଖୋର୍ଦ୍ଧା: ପୂରଣ ହେଲା ସାଙ୍ଗକୁ ଭେଟିବାର ଇଚ୍ଛା । ରାଷ୍ଟ୍ରପତିଙ୍କୁ ଭେଟିବା ପାଇଁ ତାଙ୍କ ସାଙ୍ଗ ଗୌରୀଙ୍କ ଯେଉଁ ଇଚ୍ଛା ଥିଲା ସେଥିରେ ସହାୟତାର ହାତ ବଢାଇଥିଲା ଇଟିଭି ଭାରତ । ଏନେଇ ଖବର ପ୍ରସାରଣ କରାଯାଇଥିଲା । ତେବେ ଭେଟଘାଟ ପାଇଁ କିଛି ଦିନ ତଳେ ରାଷ୍ଟ୍ରପତି ଭବନରୁ ଗୌରୀଙ୍କୁ ଚିଠି ଆସିଥିଲା । ଏନେଇ ଜିଲ୍ଲା ପ୍ରଶାସନ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି  । 

ବେଗୁନିଆ ବିଡ଼ିଓ ଆଜି ଅପରାହ୍ନରେ ଗୋୖରୀ ଦେବୀଙ୍କ ଘରେ ପହଞ୍ଚି ଥିବାବେଳେ ଉତ୍ତରୀୟ ଦେଇ ଗୌରୀଙ୍କୁ ସ୍ୱାଗତ ଜଣାଇ ସରକାରୀ ଗାଡ଼ିରେ ମହାମହିମ ରାଷ୍ଟ୍ରପତିଙ୍କୁ ଭେଟ କରାଇବା ପାଇଁ ନେଉଥିବା ଦେଖିବାକୁ ମିଳିଛି । ଜଣେ ସାଙ୍ଗପାଇଁ ଆଉ ଜଣେ ସାଙ୍ଗର ଭଲପାଇବା ଏବେ ବେଗୁନିଆ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ମହାମହିମ ରାଷ୍ଟ୍ରପତିଙ୍କୁ ଆଜି ରାଜଭବନ ପରିସରରେ ଭେଟି ନିଜ ବହୁଦିନର ଇଚ୍ଛା ପୂରଣ କରିବେ ଗୋରୀ ଦେବୀ ।

ଇଟିଭି ଭାରତ, ଖୋର୍ଦ୍ଧା