Watch: ଅନ୍ତର୍ଜାତୀୟ ମିଡିଆ ସେଣ୍ଟରରେ ପ୍ରଧାନମନ୍ତ୍ରୀ ମୋଦି, ଗଣମାଧ୍ୟମ ପ୍ରତିନିଧିଙ୍କୁ ଜଣାଇଲେ ଅଭିବାଦନ

ନୂଆଦିଲ୍ଲୀ: ଭାରତ ଅଧ୍ୟକ୍ଷତାରେ ଆଜି ଜି-20 ସମ୍ମିଳନୀ ଶେଷ ହୋଇଛି । ବିଶ୍ବର ଏହି ବଡ଼ ଇଭେଣ୍ଟକୁ କଭର କରିବା ଲାଗି ନବନିର୍ମିତ ଭାରତ ମଣ୍ଡପମରେ ଗଣମାଧ୍ୟମ ପ୍ରତିନିଧିଙ୍କ ଲାଗି ହୋଇଥିଲା ସ୍ବତନ୍ତ୍ର ବ୍ୟବସ୍ଥା । ଭାରତରେ ଅନ୍ତର୍ଜାତୀୟ ସ୍ତରରୁ ମଧ୍ୟ ଗଣମାଧ୍ୟମ ପ୍ରତିନିଧି ପହଞ୍ଚିଥିଲେ । ଏଣୁ ଭାରତ ମଣ୍ଡପମରେ ସାମ୍ବାଦିକଙ୍କ ଲାଗି ଇଣ୍ଟରନ୍ୟାସନାଲ ମିଡିଆ ସେଣ୍ଟରର ବ୍ୟବସ୍ଥା ହୋଇଥିଲା । ତେବେ ପ୍ରଧାନମନ୍ତ୍ରୀ ମୋଦି ଆଜି ସନ୍ଧ୍ୟା ସମୟରେ ଏହି ସେଣ୍ଟରରେ ପହଞ୍ଚି ଗଣମାଧ୍ୟମ ପ୍ରତିନିଧିଙ୍କୁ ହାତ ହଲାଇ ଅଭିବାଦନ ଜଣାଇଛନ୍ତି । ଭାରତ ମଣ୍ଡପମରେ ଗ୍ରାଉଣ୍ଡ ଫ୍ଲୋରରେ ଥଇବା ହଲରେ ପ୍ରଧାନମନ୍ତ୍ରୀ ମୋଦି ପହଞ୍ଚିଥିଲେ । ସୂଚନା ଥାଉ କି ମିଡିଆ ଲାଗି ପ୍ରଥମ କରି ଏଭଳି ଅତ୍ୟାଧୁନିକ ଜ୍ଞାନକୌଶଳରେ ଏହି ମିଡିଆ ସେଣ୍ଟରର ବ୍ୟବସ୍ଥା ହୋଇଥିଲା । ଏଠାରେ ଜି-20 ବୈଠକର ସିଧା ପ୍ରସାରଣ ସାଙ୍ଗକୁ ବିଶ୍ବନେତାଙ୍କ ସାକ୍ଷାତକାର ଲାଗି ସ୍ବତନ୍ତ୍ର ବ୍ୟବସ୍ଥା ହୋଇଥିଲା ।  ଏହାସହ ଇଣ୍ଟରନେଟର ମଧ୍ୟ ବ୍ୟବସ୍ଥା ରହିଥିଲା ।  

ବ୍ୟୁରୋ ରିପୋର୍ଟ, ଇଟିଭି ଭାରତ