କଟକ ଦୁର୍ଗାପୂଜା ବୁଲିଲେ ପିସିସି ସଭାପତି

କଟକ: ସିଲଭର ସିଟିରେ ଜାରି ରହିଛି ମା' ଦୁର୍ଗା ପୂଜା । ରାଜ୍ୟ ତଥା ରାଜ୍ୟ ଵାହରୁ ଶ୍ରଦ୍ଧାଳୁମାନେ ଆସି କଟକ ଦୁର୍ଗାପୂଜା ମଜା ନେଉଛନ୍ତି । ଏହାରି ମଧ୍ୟରେ କଟକରେ ବିଭିନ୍ନ ମଣ୍ଡପ ବୁଲି ମା’ ଜଗତ ଜନନୀଙ୍କ ଆଶୀର୍ବାଦ ଭିକ୍ଷା କରିଛନ୍ତି ପିସିସି ସଭାପତି ଶରତ ପଟ୍ଟନାୟକ । ଆଜି କଟକ ନଗର କଂଗ୍ରେସର କର୍ମୀମାନଙ୍କ ସହ ସହ ପିସିସି ସଭାପତି ଆଜି କଟକର ବିଭିନ୍ନ ଦୁର୍ଗା ମଣ୍ଡପ ବୁଲି ଦର୍ଶନ କରିଛନ୍ତି । ଏହା ସହ ସହରର ବିଭିନ୍ନ ସମସ୍ୟ ଉପରେ ଲୋକଙ୍କ ଲୋକମାନଙ୍କ ସହ ଆଲୋଚନା କରିଛନ୍ତ । 

ପିସିସି ସଭାପତି କହିଛନ୍ତି, "ଭାଇଚରା ସହରରେ ମାଆଙ୍କ ପୂଜା ବେଶ ନିଆରା । ଆଗମୀ ଦିନରେ ଓଡିଶାରେ ନିର୍ବାଚନ ଅନୁଷ୍ଠିତ ହେବ । ତେଣୁ ନିର୍ବାଚନ ପୂର୍ବରୁ ମାଆଙ୍କ ଆଶ୍ରିବାଦରେ ଓଡ଼ିଶାରେ ନିଶ୍ଚୟ କଂଗ୍ରେସ ଶାସନ ଆରମ୍ଭ ହେବ । ତେବେ କଟକରେ ତୃଣମୂଳ ସ୍ତରରେ କଂଗ୍ରେସର ବିକାଶ ପାଇଁ ସର୍ଵଦା ଚେଷ୍ଟା ଜାରି ରହିଛି ।"

ସେ ଆହୁରୀ କହିଛନ୍ତି, "ବର୍ତ୍ତମାନ କଟକରେ ସୁରେଶ ମହାପାତ୍ରଙ୍କ ନେତୃତ୍ୱରେ କଂଗ୍ରେସ ଆହୁରି ଶକ୍ତିଶାଳୀ ହେବ । ଆଗାମୀ ନିର୍ବାଚନରେ କଟକରେରେ ମଧ୍ୟ କଂଗ୍ରେସ ତାହାର ଦବଦବା ନିଶ୍ଚୟ ଜାହିର କରିବ ।"

ଏହା ମଧ୍ୟ ପଢନ୍ତୁ...ଜମିଲା ମହାନବମୀ ପୂଜା, ପୁରୀ ଦୁର୍ଗାବାଡ଼ିରେ କୁମାରୀ କନ୍ୟାଙ୍କୁ ପୂଜାର୍ଚ୍ଚନା

ଇଟିଭି ଭାରତ,କଟକ