ମେଲାଣି ଉତ୍ସବରେ ସାମିଲ ହେଲେ ସିନେ ତାରକା

କଟକ: ଧରାପୃଷ୍ଠରେ ଲୀଳାଖେଳା ପରେ ମା' ନେଉଛନ୍ତି ମେଲାଣି । ଜୋରଦାର ବାଜା ସାଙ୍ଗକୁ ମା'ଙ୍କୁ ଦେଖିବା ପାଇଁ ଲୋକମାନଙ୍କ ଭିଡ଼ ଲାଗି ରହିଛି । ବାଦ୍ୟର ନାଦରେ ପରିବେଶ ପ୍ରକମ୍ପିତ ହେଉଥିବାବେଳେ ଭକ୍ତିମୟ ପରିବେଶ ସୃଷ୍ଟି ହୋଇଛି । ମା'ଙ୍କୁ ଅନ୍ତିମ ଦର୍ଶନ କରିବା ସହ ବିଦାୟ ଦେଉଛନ୍ତି ଲୋକେ । ଏହି ସମୟରେ ବାଦ୍ୟର ମଜା ଉଠାଉଛନ୍ତି ଶ୍ରଦ୍ଧାଳୁ।

ପୂର୍ବରୁ କଟକରେ ଅନେକ ଭସାଣି କାର୍ଯ୍ୟକ୍ରମ ହୋଇଥାଏ । କିନ୍ତୁ ଚଳିତ ବର୍ଷ ପାରମ୍ପରିକ ବାଦ୍ୟ ସମସ୍ତଙ୍କ ମନକୁ ମୋହୁଛି। ତେବେ ଏହାରି ଭିତରେ ସିନେ ତାରକା ମଧ୍ୟ ଏହି ଭସାଣି ଉତ୍ସବରେ ସାମିଲ ହୋଇଛନ୍ତି । କଟକ ଫିଲ୍ମର ଷ୍ଟାରକାଷ୍ଟ ଆଜି କଟକରେ ପହଞ୍ଚି ଲୋକମାନଙ୍କ ସହ ସାମିଲ ହୋଇଛନ୍ତି। ଅଭିନେତା ସିଦ୍ଧାନ୍ତ ମହାପାତ୍ର, ଦେବାଶିଷ, ଅନୁ ଚୌଧୁରୀ, ରିୟା ଓ ପୁନମଙ୍କ ସମେତ ଅନେକ ଷ୍ଟାର ଆଜିର ମେଲାଣି କାର୍ଯ୍ୟକ୍ରମରେ ସାମିଲ ହୋଇଥିବା ଦେଖିବାକୁ ମିଳିଛି ।

ଇଟିଭି ଭାରତ, କଟକ