ଝାରସୁଗୁଡ଼ାରେ ଜାତୀୟ ପ୍ରେସ ଦିବସ ପାଳନ

ଝାରସୁଗୁଡ଼ା : ଝାରସୁଗୁଡ଼ା ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲା ଖଣିଜ ପାଣ୍ଠି କାର୍ଯ୍ୟାଳୟ ପରିସରରେ ଜାତୀୟ ପ୍ରେସ ଦିବସ ପାଳନ କରାଯାଇଛି । ଏହି ଅବସରରେ "ଦେଶ ଉପରେ ଗଣମାଧ୍ୟମର ଭୂମିକା" ପ୍ରସଙ୍ଗରେ ଏକ ଆଲୋଚନା ଚକ୍ର ମଧ୍ୟ ଅନୁଷ୍ଠିତ ହୋଇଥିଲା । ଗଣମାଧ୍ୟମ ପ୍ରତିନିଧିମାନେ ନିରପେକ୍ଷ ସାମ୍ବାଦିକତା କରିବା ସହ ତାଙ୍କ ସୁରକ୍ଷା ପାଇଁ ଏକ ଆଇନ ପ୍ରଣୟନ କରାଯାଉବୋଲି ସ୍ବର ଉଠିଥିଲା । ସେହି ଭଳି ଝାରସୁଗୁଡା ପ୍ରେସ କ୍ଳବ ପକ୍ଷରୁ ମଧ୍ୟ ଜାତୀୟ ପ୍ରେସ ଦିବସ ପାଳନ କରାଯାଇଥିଲା । ଏହି ଅବସରରେ ବୁଦ୍ଧିଜୀବୀ ଧନଞ୍ଜୟ ବେହେରା ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ପ୍ରାଧ୍ୟାପକ ତପନ ବାରିକ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ଏଅବସରରେ ଝାରସୁଗୁଡା ପ୍ରେସ କ୍ଳବର ସଭାପତି ସନ୍ତୋଷ ମିଶ୍ର, ସୁବାସ ପ୍ରଧାନ, ସନ୍ତୋଷ ସାହୁ, ସୁଦାମ ସାହୁ, ମୁକେଶ ପ୍ରଧାନ, ସିତମ ପ୍ରଧାନ, ଗୁରୁଚରଣ ବାଘ ପ୍ରମୁଖ ଉପସ୍ଥିତ ଥିଲେ । ଇଟିଭି ଭାରତ, ଝାରସୁଗୁଡ଼ା