Bihar: ରେସ୍ତୋରାଁ ବାହାରେ ଦୁର୍ବୃତ୍ତଙ୍କ ଆଖିବୁଜା ଗୁଳିମାଡ଼, ଜୀବନ ବିକଳରେ ଦୌଡ଼ିଲେ ଗ୍ରାହକ

ପାଟନା: ପ୍ରତିଦିନ ଭଳି ରେସ୍ତୋରାଁ ଭିତରେ ଗ୍ରାହକ ସୁସ୍ବାଦୁ ଭୋଜନ କରୁଥିଲେ ।  ହେଲେ ହଠାତ୍‌ ହେଲା ଗୁଳିମାଡ଼ । ବାହାର ପଟରୁ ଫାୟାରିଂ ଶବ୍ଦ ଶୁଣି ଭୟଭୀତ ହୋଇପଡ଼ିଲେ ଗ୍ରାହକ । କିଏ ଟେବୁଲ ତଳେ ତ ଆଉ କିଏ ବାଥ୍‌ରୁମ୍‌ ଆଡ଼କୁ ଦୌଡ଼ିଲା । ବିହାର ଛପରା-ମୁଜ୍ଜଫରପୁର ମୁଖ୍ୟ ରାସ୍ତା ନିକଟରେ ଥିବା ଏକ ରେସ୍ତୋରାଁରେ ଶନିବାର ରାତିରେ ଗୁଳିମାଡ଼ ପରେ ଏପରି ଦୃଶ୍ୟ ଦେଖିବାକୁ ମିଳିଛି । 4 ଜଣ ଦୁର୍ବୃତ୍ତ 3ଟି ପିସ୍ତଲରେ ଆଖିବୁଜା ଗୁଳିମାଡ଼ କରିଥିଲେ । 10 ରାଉଣ୍ଡରୁ ଅଧିକ ଗୁଳି ଚଳାଯାଇଥିବା କହିଛନ୍ତି ସିଟି ଏସପି ଅରବିନ୍ଦ ପ୍ରତାପ ସିଂହ। 2 ଗୋଷ୍ଠୀ ମଧ୍ୟରେ କୌଣସି ବିବାଦକୁ ନେଇ ଏପରି ଗୁଳିମାଡ଼ ହୋଇଥିବା ପୋଲିସ ସନ୍ଦେହ କରିଛି। ତେବେ ଏହି ଘଟଣାର ତୁରନ୍ତ ଖୁଲାସା କରାଯିବ ବୋଲି କହିଛନ୍ତି ସିଟି ଏସପି ପ୍ରତାପ ସିଂହ । ଦୁର୍ବୃତ୍ତମାନେ ବାଇକ୍‌ରେ ଆସି ଏପରି ଗୁଳିମାଡ଼ କରିବା ପରେ ବିରୋଧୀ ରାଜ୍ୟର ଆଇନ ଶୃଙ୍ଖଳା ଉପରେ ପ୍ରଶ୍ନ ଉଠାଇଛନ୍ତି ।   

ବ୍ୟୁରୋ ରିପୋର୍ଟ, ଇଟିଭି ଭାରତ