ଅଗ୍ନିକାଣ୍ଡରେ ଜଳିଗଲା ୪ ବଖରା, ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ

ଢେଙ୍କାନାଳ: ଅଗ୍ନିକାଣ୍ଡରେ ଜଳିଗଲା ୪ ବଖରା ଘର । ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ । ଏପରି ଘଟଣା ଦେଖିବକୁ ମିଳିଛି କାମାକ୍ଷାନଗର ଅଁଳାବେରେଣି ଗ୍ରାମ ହରିଜନ ସାହିରେ ।  ସୂଚନା ମୁତାବକ ତୁମୁଶିଙ୍ଗା ଥାନା ଅଁଳାବେରେଣି ଗ୍ରାମ ହରିଜନ ସାହିରେ ଦିନ ପ୍ରାୟ ୧୧ ଟା ବେଳକୁ ଭୟାବହ ଅଗ୍ନିକାଣ୍ଡ ଦେଖିବାକୁ ମିଳିଥିଲା ।  ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ କଲାବେଳକୁ ଗ୍ରାମର ଭିମସେନ ନାୟକଙ୍କ ୨ ବଖରା ଓ ବିଷ୍ଣୁସେନ ନାୟକଙ୍କର ୨ ବଖରା ଘର ପୋଡି ସମ୍ପୂର୍ଣ୍ଣ ପାଉଁଶ ହୋଇଯାଇଥିଲା । ଏହାସହ ଘରେ ଥିବା ଆସବାବପାତ୍ର,  ଧାନ, ଚାଉଳ ଓ  ସହ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଯାଇଥିବା ସୂଚନା ରହିଛି । ଅଗ୍ନୀକାଣ୍ଡର ପ୍ରକୃତ କାରଣ ଜଣାପଡିନଥିବା ବେଳେ ସଟସର୍କିଟ ଯୋଗୁ ନିଆଁ ଲାଗିଥିବା ଆନୁମାନ କରାଯାଉଛି । ଅଗ୍ନିବିପନ୍ନଙ୍କୁ ପଞ୍ଚାୟତ ତରଫରୁ ସୁଖିଲା ଖାଦ୍ୟ ଦେବା ସହ ସଙ୍ଗେ ସଙ୍ଗେ ପାଲ ବ୍ୟବସ୍ଥା କରାଯିବ ବୋଲି ସରପଞ୍ଚ କହିଛନ୍ତି । ରାଜସ୍ବ ନିରିକ୍ଷକ କ୍ଷୟକ୍ଷତି ଆକଳନ ରିପୋର୍ଟ ଆସିବା ପରେ ସରକାରଙ୍କ ଯାହା ସହାୟତା ମିଳିବାକଥା ସବୁ ସହାୟତା ଯୋଗାଇ ଦିଆଯିବ ବୋଲି କହିଛନ୍ତି ଅଁଳାବେରେଣି ସରପଞ୍ଚ।

ଇଟିଭି ଭାରତ, ଢେଙ୍କାନାଳ