Watch Video: ହୁ ହୁ ହୋଇ ଜଳିଗଲା ଡାଲ ହ୍ରଦର ହାଉସବୋଟ୍

ଶ୍ରୀନଗର: ଜମ୍ମୁ-କାଶ୍ମୀରର ପ୍ରସିଦ୍ଧ ଡାଲ ହ୍ରଦରେ ଥିବା ହାଉସ ବୋଟରେ ଅଗ୍ନିକାଣ୍ଡ ଘଟିଛି । ତିନୋଟି ହାଉସ ବୋଟରେ ନିଆଁ ଲାଗିଥିବା ସୂଚନା ମିଳିଛି । ଏହି ଘଟଣାରେ ବର୍ତ୍ତମାନ ସୁଦ୍ଧା କେହି ମୃତହାତ ହୋଇଥିବାର କୌଣସି ସୂଚନା ନାହିଁ । କେଉଁ କାରଣରୁ ହାଉସ ବୋଟରେ ଅଗ୍ନିକାଣ୍ଡ ଘଟିଲା ତାହା ବର୍ତ୍ତମାନ ସୁଦ୍ଧା ଅସ୍ପଷ୍ଟ ରହିଛି ।  ନିଆଁ ଲିଭାଇବା କାର୍ଯ୍ୟରେ ଅଗ୍ନିଶମ ବାହିନୀ ନିୟୋଜିତ ରହିଛି । ଏନେଇ ଜଣେ ଅଗ୍ନିଶମ ଅଧିକାରୀ କହିଛନ୍ତି ଯେ, ଡାଲ ହ୍ରଦରେ ଥିବା ହାଉସ ବୋଟରେ ଅଗ୍ନିକାଣ୍ଡ ଘଟିଥିବା ନେଇ ଆମକୁ ଆଜି ସକାଳେ ସୂଚନା ମିଳିଥିଲା । ଏହାପରେ ପହଞ୍ଚି ନିଆଁ ଲିଭା କାର୍ଯ୍ୟ ଆରମ୍ଭ କରିଥିଲେ ଅଗ୍ନିଶମ କର୍ମଚାରୀ । ତିନିରୁ ଚାରୋଟି ହାଉସ ବୋଟକୁ ନିଆଁ ବ୍ୟାପିଛି । ବର୍ତ୍ତମାନ ସୁଦ୍ଧା କେହି ମୃତାହାତ ହୋଇଥିବା ଖବର ମିଳିନାହିଁ  । ନିଆଁ ଲିଭା କାର୍ଯ୍ୟ ଶେଷ ପରେ କ୍ଷୟକ୍ଷତି ଆକଳନ କରାଯିବ ।