ଭିଜିଲାନ୍ସ ହାତରେ ବିଟ୍ ଫରେଷ୍ଟ ଗାର୍ଡ

Forest Guard In Vigilance Net: ନବରଙ୍ଗପୁର: ନବରଙ୍ଗପୁର ଭିଜିଲାନ୍ସ ହାତରେ ଧରାପଡିଲେ ନନ୍ଦାହାଣ୍ଡି ବ୍ଲକ ଜଗନ୍ନାଥପୁର ବିଟ୍ ଫରେଷ୍ଟ ଗାର୍ଡ ବିନାୟକ ସୋରି । ବାଇକରେ ୧ ଲକ୍ଷ ୫୩ ହଜାର ଟଙ୍କା ନେଇ ଯାଉଥିବାବେଳେ ଭିଜିଲାନ୍ସ ହାତରେ ଧରାପଡିଛନ୍ତି । କୌଣସି ବିଶେଷ ସୁତ୍ରରୁ ଖବର ପାଇ ତେନ୍ତୁଳିଖୁଣ୍ଟି ବ୍ଲକ ଇନ୍ଦ୍ରାବତୀ ଠାରୁ ନନ୍ଦାହାଣ୍ଡି ବ୍ଲକ ଜଗନ୍ନାଥପୁର ବିନାୟକ ସୋରି ଯିବା ସମୟରେ ଭିଜିଲାନ୍ସ ଟିମ୍ ଚଢାଉ କରିଥିଲା ।ଏହି ସମୟର ତାଙ୍କଠାରୁ ୧ ,୫୩ ,୦୦୦ ହଜାର ଟଙ୍କା ନିଜ ବାଇକରୁ ବାହାରି ଥିଲା । ବିନାୟକଙ୍କ ନବରଙ୍ଗପୁରର ଭଡ଼ା ଘରେ ମଧ୍ୟ ଭିଜିଲାନ୍ସ ଟିମ୍ ତଦନ୍ତ ଚଳାଇଛି । ବର୍ତ୍ତମାନ ବିନାୟକଙ୍କୁ ଅଟକ ରଖି ଅଧିକ ତଦନ୍ତ କରୁଛନ୍ତି ଭିଜିଲାନ୍ସ ଟିମ୍ । ନବରଙ୍ଗପୁର ଜିଲ୍ଲା ଭିଜିଲାନ୍ସ ଡିଏସପି ଜୟଶ୍ରୀ ପ୍ରଧାନ , ସଞ୍ଜୟ କୁମାର ପ୍ରଧାନ ଓ ଅନ୍ୟାନ୍ୟ ଭିଜିଲାନ୍ସ ଦଳ ଏହି ଚଢାଉରେ ସାମିଲ ଥିଲେ ।ତେବେ କେଉଁଠାରୁ ଏତେ ପରିମାଣର ଟଙ୍କା ଆଣିିଲେ ତାହା ତଦନ୍ତ ଚାଲିଛି  । 

ଏହା ମଧ୍ୟ ପଢନ୍ତୁ......ଭିଜିଲାନ୍ସ ଜାଲରେ କ୍ଷେତ୍ର ସହାୟକ, ଦେଢ଼ ଲକ୍ଷ ଲାଞ୍ଚ ନେବାବେଳେ ଗିରଫ

ଇଟିଭି ଭାରତ, ନବରଙ୍ଗପୁର