ଜଳବନ୍ଦୀ ଘେରରେ ଖୋର୍ଦ୍ଧା ବ୍ଲକର ୬ଟି ଗାଁ

ଖୋର୍ଦ୍ଧା :ନଦୀରେ ଜଳସ୍ତର ବୃଦ୍ଧି ନେଇ ଚାରିଆଡେ ବନ୍ୟା ପରିସ୍ଥିତ ସୃଷ୍ଟି । ଏନେଇ ଖୋର୍ଦ୍ଧା ଜିଲ୍ଲାର ତିନୋଟି ପଞ୍ଚାୟତର ୬ଟି ଗାଁ ସମ୍ପୂର୍ଣ୍ଣ ପାଣି ଘେରରେ । ସେପଟେ ମହାନଦୀର ବନ୍ୟା ଆସିବା ଫଳରେ ଶାଖା ନଦୀ ଗୁଡ଼ିକ ଫୁଲିଛି । ଦୟା ,ରାଜୁଆ ନଦୀରେ ବନ୍ୟାଜଳ ଆସି ଖୋର୍ଦ୍ଧା ବ୍ଲକ ଓରବରସିଂ,ନରଣଗଡ, ପଞ୍ଚାୟତର ୧୦ଟି ଗାଁ ମଧ୍ୟରୁ ୬ଟି ଗାଁ ସମ୍ପୂର୍ଣ ପାଣି ଘେରରେ । ଏଥିସହ ଜଟଣୀର ତିରିମଳ ନିକଟ ରାଜୁଆ ନଦୀରେ ୧୦୦ଫୁଟ ଉଚ୍ଚର ଘାଇ ସୃଷ୍ଟି ନେଇ ଆତଙ୍କିତ ଗ୍ରାମବାସୀ । ଏନେଇ ଲୋକମାନେ ପାଣି ଘେରରେ ରହିଛନ୍ତି । ସେପଟେ ଯିବା ଆସିବା କରିବାପାଇଁ ଡ଼ଙ୍ଗା ଭରଷା ସାଜିଛି । ପଞ୍ଚ୍ୟାୟତ ତରଫରୁ ରନ୍ଧା ଖାଦ୍ୟ, ଶୁଖିଲା ଖାଦ୍ୟ, ଦେବାର ବ୍ୟବସ୍ଥା କରାଯାଇଥିବା ସହ ସ୍ବାସ୍ଥ୍ୟ ବିଭାଗ ତରଫରୁ ଏକ କ୍ୟାମ୍ପ ଖୋଲାଯାଇ ପ୍ରଭାବିତ ଲୋକଙ୍କୁ ଚିକିତ୍ସା ସୁବିଧା ଉପଲବ୍ଧ କରାଯାଉଛି ।