Fire in Falaknuma Express: ହୁତୁ ହୁତୁ ହୋଇ ଜଳୁଛି ଫାଲକନୁମା

ହାଇଦ୍ରାବାଦ: ପୁଣି ସାମ୍ନାକୁ ଆସିଲା ଟ୍ରେନ ଦୁର୍ଘଟଣା ଘଟଣା । ଫଲକନାମା ଏକ୍ସପ୍ରେସରେ ଲାଗିଲା ଭୟଙ୍କର ନିଆଁ । ସର୍ଟ ସର୍କିଟ ଯୋଗୁଁ ଟ୍ରେନର ଦୁଇଟି ବଗିରେ ଅଗ୍ନିକାଣ୍ଡ ଘଟିଥିବା ସୂଚନା । ତେଲେଙ୍ଗାନାର ଯାଦଦ୍ରି ଭୁବନାଗିରି ଜିଲ୍ଲାର ପାଗିଡିପାଲ୍ଲୀ-ବମ୍ମାଇପାଲ୍ଲୀ ଷ୍ଟେସନରେ ଏପରି ଘଟଣା ଘଟିଥିବା ଜଣାପଡିଛି। ଦୁଇଟି ବଗି ହୁତୁ ହୁତୁ ହୋଇ ଜଳୁଛି । ଘଟଣାସ୍ଥଳରେ ସୁରକ୍ଷା ଅଧିକାରୀ ପହଞ୍ଚି ନିଆଁ ଲାଗିଥିବା ଦୁଇ ବଗିରୁ ଯାତ୍ରୀଙ୍କୁ ଉଦ୍ଧାର କରିଛନ୍ତି । ଏହି ଘଟଣାରେ କୌଣସି ଯାତ୍ରୀଙ୍କର ମୃତ୍ୟୁ ହୋଇନଥିବା ସୂଚନା ରହିଛି । କେତେ ଜଣ ଆହତ ମଧ୍ୟ ହୋଇଛନ୍ତି ତାହା ଅସ୍ପଷ୍ଟ ରହିଛି । ଏନେଇ ଅଧିକ ସୂଚନାକୁ ଅପେକ୍ଷା କରାଯାଇଛି । ଗତ ଜୁନ୍‌ ମାସ 2 ତାରିଖରେ ବାଲେଶ୍ବର ବାହାନଗାରେ ଟ୍ରେନ ଦୁର୍ଘଟଣା ଘଟିବା ପରେ ବାରମ୍ବାର ଦୁର୍ଘଟଣା ଖବର ସାମ୍ନାକୁ ଆସୁଛି । କେଉଁଠି ଇଞ୍ଜିନ ବଗି ଛାଡ଼ି ପଳାଉଛି ତ ପୁଣି କେଉଁଠି ଟ୍ରେନରେ ନିଆଁ ଲାଗିବା ଖବର ସାମ୍ନାକୁ ଆସୁଛି । ଫଳରେ ଟ୍ରେନରେ ଯାତ୍ରା କରିବାକୁ ଯାତ୍ରୀଙ୍କ ମନରେ ଏକ ପ୍ରକାର ଭୟ ସୃଷ୍ଟି ହୋଇଛି ।